დასრულდა ოცნება,
        წვიმამ  თუ  ცრემლებმა
        დამბანა სახე და
        ხელები, რომლებიც შენ აღარ  გეხება.
        მშვიდობით, მშვიდობით... შენ  არ  დაბრუნდები,
        როგორც  არ  ბრუნდება,
        როგორც  არ  ბრუნდება
        ის  წლები.... მჭირდები,
        ძალიან  მჭირდები!
        ჩემს  დღეებს  აკლია
        რაღაცა... მზისფერი...
        შეგუბდა  ჰაერი,
        ოცნება  დასრულდა,
        არ  მსურდა უშენოდ
        სიცოცხლე,  არ  მსურდა...

        **          **              **

      მოვიდა  მარტი  და
      ტკივილიც  დაბრუნდა...
      წვიმამ  თუ    ცრემლებმა
      დამბანა  სახე  და
      ხელები, რომელიც  შენ  ისევ  დაგეძებს
      საწოლზე, რომელშიც
      ჩვენ  ვეღარ  შევხვდებით.
      მშვიდობით
      მშვიდობით....


                                  10.03. (2010).  ს. ნეველი.