თუ  თვითმკვლელობა საქციელი არის უღირსთა
ან  სულმოკლენი  შეუპყრია  მხოლოდ  სუიციდს,
მაშინ ერთიც ვარ და მეორეც, რადგან მეტეხთან
აზვირთებული  მტკვარი, ვგრძნობ, რომ  ჩუმად  სულ მიცდის.

თუკი  ოდესმე  ამ სიგიჟემ ამიყოლია
არ იფიქრო, რომ    შენთვის ,,ჩემო"  არ  მიბრძოლია.
(რადგან ყალბია  ყველა გრძნობა, მონაგონია...
ასე ლამაზი სიყვარული, სხვას ვის  ჰქონია?!)

და ვდგავარ  ეხლა სუიციდის  ქუჩაზე მარტო...
(შვიდმა პოეტმა რომ  გადაჭრა  თოკი...  და  რატომ?)
შენზე  ფიქრები  შავ ლაქებად,  ტკივილად მათოვს,
და შენი სუნთქვის ოხშივარი დღეს უფრო მათრობს...


არ გადამიჭრა  სახრჩობელა... გემუდარები,
არ დამიკეტო სარკმელი,  არ გახსნა კარები.
არ დამიხუჭო მე, უსულოს  ღია თვალები...
არ თქვა არასდროს მიყვარხარო,  თუ გებრალები!