მამაო

მამაო, ტაძართან ცისფერი სანთლები
იწვიან, ნისლებში ქრებიან შუქებად.
ყოველდღე ლოცვების მოთქმაში ვღამდები
და რწმენა თვალებში წვიმებად გუბდება.

სამხრეთის საწყისში ტირიან მოლები,
ვუყურებ ხევებში ჩაძირულ მთვარეს და
ღმერთს ზურგზე ზედმეტი ტვირთივით მოვები
და ბარემ შენდობას აღვუთქვამ აქედან.



                  * * *

მოდი, ხელი ჩამკიდე
ისევ ისე ვიაროთ,
როგორც ფერად ნისლებში
გახვეული ტიტები.
იცი, მიყვარს როდესაც
ზეცა არის მზიანი,
შენ კი ვარდის ფურცლებით
ფუტკარივით ირთვები.
მიყვარს შენი თვალები,
ჭალას მოღამებისას,
გადაცვარულ ლოყებზე
ჩამომდნარი ცრემლივით.
ახლა შავზე უფრორე
მოძალადე ფერი ვარ.
მე ვიმოსავ თეთრებს და
ბეწვის კაბით შენ ივლი.

                                                                             
                                                                                        01/06/2010