წავშალე ფოტო და... გულშიაც წაგშლიდი,
ასეთი იოლი გზები რომ მხიბლავდეს...
მაგრამ მე თემშარას ყოველთვის გვერდს ვუვლი,
მიზიდავს, მიზიდავს, მიზიდავს ხიფათი!
მე უნდა სიგიჟის ნელ ცეცხლზე ვიწვოდე,
ცოდვიან მირაჟებს დილამდე ვუთიო,
გველივით ვიცვალო ტყავი, რომ განვახლდე -
რითმა გავამყარო ტყვიით და თუთიით...
და როცა თვალებში ტკივილი სახლდება,
ცრემლების მაგივრად იწვიმებს ლექსებად,
ჟანრი აქვთ - "ფენტეზი", წყაროა - ცხოვრება,
რომელიც მუზებად გვთავაზობს ექსცესებს...

წავშალე ფოტო და... გულში კი არ წაგშლი!