+++
შენ თუ დამტოვებ,
არ ჩაითვლება ჩემი სული წვიმით სავსედ,
შემოდგომით გამდიდრებულად-
შენს გარეშე  რა გითხრა და ისე მოვიწყენ,-
როგორც ყვავილი მზის ჩასვლისას,
ლოცვა-
მორწმუნე და ლამაზი ბაგის გარეშე.
----
მაშინ-ფრთები რომ არ დაგეჭრა-გზაზე გაგეშვი
ან მთებში ხელით წაგეყვანე,- მწვერვალებისკენ
აგეღო გეზი, გევლო, ბოლოს ღრუბლის ბალიშებს
შეუღლებოდი, მე კი ცასთან ჩამოგეკიდე
და გეთქვა:" ჩემო მშვენიერო, ვერ გაგიმეტებ
ვერც ცოლად, ვერც ჩემს დამტირებლად, წადი, გაფრინდი,
მეტი ხარ, უნდა იმეგობრო ზეცის ხილვებთან,
მეც ვალმოხდილი ვიქნები თუ თავს აგარიდებ"...
---
მაშინ რომ ფრთები არ დაგეჭრა-ჩავითვლებოდი
შენი სიტყვის და გულის მიღმა მოარულ ზღაპრად.

2010