გარაჟში  ოპელი,
სერვანდში – ყანწი,
მეუღლე  აივანზე,
უმაკიაჟოდ,  შპილკებით  პირში...
შვილი  ინტერნეტში  სამუდამოდ  გადაკარგული.
ფრიალებს. ფრიალებს,  თეთრად სარეცხი
როგორც დროშა,  უსიტყვო  კაპიტულაციის....
სიგარეტი.  შეყოვნდა  ხელში.
..................................................................................

აი, ეს  არის....
სულ ეს არის!
არა!... არ  გნებდებით!  (ლექსებში  მარტო...)
ვოცნებობ მოვკვდე,
სადღაც ... ბინძურ  სასტუმროში,
ბინძურ  ნომერში,
მარტო, მაგრამ  თავისუფალი......
ფრიალებს!...  თეთრად ქათქათა  დროშა,
თუ  თეთრეული...
მაგიდაზე  ცივდება  ჩაი,
ბრძოლა  ინსტიქტთან,
ბრძოლა  წესებთან,
ბრძოლა  მხოლოდ საკუთარ თავთან!!
კვდება კიდევ ერთი მკვდარი დღე...
ფრენა კოსმოსში,
ფრენა  არსაით...
მუდმივი ბრძოლა ბუნებასთან!
ორიენტირთან...
ჩვევებთან...
უსიტყვო  ბრძოლა,  პირამიდებთან!!!
................................................................................

არა ......
არასდროს  არ  დაგნებდებით.....

                 

                                              24.07.2010. სერგეი  ნეველი