ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ნეკერა
ჟანრი: პოეზია
21 ივლისი, 2008


გმადლობ!

როგორც მიამებდა
მამის კოცნა გადაყვლეფილ მუხლს,
როგორც მიამებდა სულის შებერვა
გადაყვლეფილ მუხლს,
როგორც მიამებდა ზღაპრის წაკითხვა
გადაყვლეფილ მუხლს,
მიამებ სულს.

როგორც დავრბოდი
ბავშვობის ეზოში მხიარულად,
როგორც ვთამაშობდი
ბავშვობის ეზოში უდარდელად,
როგორც ვიზრდებოდი
ბავშვობის ეზოში სიყვარულით -
შენც მზრდი.

როგორც მართმევდნენ
პირიდან საეჭვო ლუკმას,
როგორც მართმევდნენ
ხელიდან საშიშ ნივთს,
როგორც მართმევდნენ
მშობლები ყველა ტკივილს,
მართმევ ტვირთს.

და როგორც უფროსს,
რომელიც მაწვდიდა კანფეტს,
და როგორც მეგობარს,
სითბოს რომ მიყოფდა თავისს,
და როგორც ყველას,
ვინც ქვეყნად რაიმე მომცა,
გმადლობ!

კომენტარები ილუსტრაციები რეცენზიები