იშვიათი მზის ზღვის ტალღებში იშვიათ სუნთქვას,
ჩემი კალამი წააწყდება, უფრო ყველაზე
უიშვიათეს ეგზოტიკას დუბლინის, სულ სხვა,
სულ სხვა რამეა მზის ამოსვლა უცხო ენაზე

მოსიარულე, მოსაუბრე, მოსაკალმები...
ქოლგები, წვიმა, თოლიები, განთიადები,
რა დროს ამდენი ტკივილია... მოგესალმები,
ჩვენი არ იყოს, შენც უდაოდ გამთლიანდები

ერთ მშვენიერ დღეს, შენს ბაღებშიც მოვა მაისი
და ვინმეს ძლიერ ეღირსება გამოკალმება
სენტ სტივენს გრინზე აღერილი ედელვაისის
ალბათ ყველაზე იშვიათი გამოსალმების.