მე ალგეთელი ლეკვი ვარ მგლისა,
ძუძუმტედა მყავს არღუნს ჩაჩანი,
ვართ მგლისმუხლება და  უხედნები,
მოკვდეს ბოროტი  და გულლაჩარი!
თურმე ერთ ღამეს დავბადებულვართ,
მთას რომ გრიგალთა  არყევდა ფრთონა,
თავისუფლების ხსენი ვიგემეთ
და გველეშაპმა  ვერ დაგვიმონა!
სისხლში დედის რძე ბორგავს თერგივით,
ამ ბორგვას როგორ გადავეჩვევით!
კავკასიონის სვეტებად ვდგავართ
აქეთ მე, იქით - ჩემი ჩეჩენი!
ვაგლახ, ტურებო და სვავ-ყორნებო,
სვით ჩვენი  სისხლი ბინძურ პეშვებით,
კავკასიონის  ზვავი ჩაგმარხავთ,
სანამდე  სისხლით  გაილეშებით!
---------------------------------------------
ძუძუმტედა მყავს არღუნს ჩაჩანი,
ვართ მგლისმუხლება და  უხედნები,
სისხლში დედის რძე ბორგავს თერგივით,
ჩვენ არასოდეს გადავშენდებით!