გაიხსენე ჩვენი ამბავი.
უყურე ამ სახლს
თვალწინ რომ გეწვის
გადააფარე წამწამები...
ცივმა ქარებმა მოიტანეს
ეს სიმხურვალე ჩრდილოეთიდან.
წვიმა კი შეწყდა, რადგან
წლებია არ გიტირია
ჩვენს ამბავზე.
არ მოგირწყავს სიმშვიდის ხე
ჩვენს ოთახში
და ნახე ახლა
როგორ იწვის, გამომხმარი-
როგორ მარტივად ანადგრუებს ცეცხლის ალები
ერთ დრო სსიმშვიდით დახუნძლულ ტოტებს.
ერთად ვუვლიდით.
ყოველ დილით ხარბად რომ ვჭამდით.
გაახილე თვალები ფართოდ
თუნდაც ამდენი სიბრმავის მერე
სისხლი ჩაგექცეს.
გაიხსენე ჩვენი ამბავი
შეიცოდე, ყველა კიდურით.
გაიხსენე დილის სუსხით
შეშინებულ ყავილებში როგორ გვეძინა.
უყურე ამ სახლს
ბუდე ჩვენი ნაშენები
საკუთარი სხეულებისგან.
გაიხსენე- ჩვენი ამბავი
ერთი ნაყოფი შეგინახე სიმშვიდის ხიდან.
დაგეხმარება.