გაზაფხულდება. ისევ მოვა ჩემი აპრილი.
ულურჯაპრილოდ წელიწადი როდის მოსულა?
ყველა ოცნება, ჩემგან შენთვის შემონაწირი,
ზამთრის მზესავით მთის გადაღმა გადაპარულა.
დღეს მარტოობა ისევ ისე ჩემი ხვედრია,
მაინც არ ვტირი, იმედი ხომ არასდროს კვდება.
აფეთქებული ყვავილები ჩუმად მეტყვიან:
აღარ იდარდო, შენს ქუჩაზეც გაზაფხულდება.
ხომ ისევ მოვა ბორიალა ჩემი აპრილი.
შენს გამო ღამე რა ამაოდ მითენებია.
მე მაინც მიყვარს, მაინც მიყვარს იასამნები.
მერე რა, თუკი მატყუარა ყვავილებია.