ჩემო იასამნისფერ კაბიანო
მე შენს თვალებში ამოსულ ხეებს
ვესაუბრები.

მომიყევი ზღაპარი მზეზე
მომიყევი სინათლის ზღვაზე
და
მფრინავ ქოხზე
სადაც ცხოვრობ შენს სიზმრებში
სადაც ჩემთვისაც შენახულია
პატარა კუთხე.

ჩემო იასამნისფერ კაბიანო
მომატყუე.
მომატყუე რომ ვიცხოვრო.

ჩემო იასამნისფერ კაბიანო
ამოუშენე ფანჯრები სახლებს
არ გამოუშვა გარეთ ხალხი
გამუდმებით მიყურებენ
და უფრო ხშირად მეჯახებიან
დაწვი ქალაქი
თავის ბინძური ხმაურის ცეცხლზე
დაწვი ქუჩები
ვიტრინები
\\'ხელოვნური ყვავილები
დაწვი ცხოვრება
მანამდე კი ცეცხლს მომარიდე
შემიფარე შენი მხრების ქვეშ
სადაც არ ქრის მტვრიანი ქარი...

ჩემო იასამნისფერ კაბიანო
გადამარჩინე.

მე შენს თვალებში ამოსული
სიმშვიდის
ხე ვარ.