რა უბრალოა ყვავილი კლდეზე
უპრეტენზიო
არც რამეს იტყვის თუკი
ფოთლები დაეყინება
რა უბრალოდ შეუძლია
თავი ჩამოდოს ერთადერთ
სხივზე რომელიც მზისგან
მოიპარა და ჩუმად გახმეს-
და რა ამაყად იყურებიან
ჩემი ოთახის ყვავილები
მოხატული ქოთნებიდან
როგორ მიწყენენ თუკი
სითბო მოვაკელი
თუ ყოველ დღე წყალი არ ვასვი
თუ მიწა არ დავუკოცნე
დასჯილი ბავშვებივით
იმრიზებიან.
ჩემი ბრალია
რომ უბრალოა
ჩამომხმარი ყვავილი კლდეზე
და რომ ქოთნებით სავსე მაქვს სახლი
გადავწყვიტე
სახლში კლდე დავრგო.