მოდი, ვითამაშოთ ერთად,
ერთად დავიჭიროთ ბურთი,
მე რომ ამ ბავშვობას ვერ ვთმობ,
გულს რომ მონატრება უთრთის.
ერთად შევეგებოთ დილას,
ერთად გავაღვიძოთ მიწა,
ჩვენი სიბერეა როცა
მეტყვი, მაგ თვალებით გიცან,
როცა მკლავს გამომდებ მკლავში,
როცა აათრთოლებ სიტყვებს,
მერე ფრთებსაც ერთად გავშლით,
წლები კარებს ფეხით მიმტვრევს.
ერთად გავაღვიძოთ დილა,
ვლეწოთ ყველა შუშის თვალი,
ვიცი, ცა მიმიღებს შვილად,
ვიცი, ესეც გამოვთვალე.
მოდი,ვითამაშოთ ერთად,
ერთად დავიჭიროთ ბურთი,
მე რომ ამ ბავშვობას ვერ ვთმობ
გულსაც მონატრება უთრთის.