ღრუბელი


                            ღრუბლის ქულა პაწია
                            გაიზარდა, გაივსო,
                            ხმელეთისკენ გასწია,
                            პატარებს რომ გაეცნოს.
                            ჩიტებს, პეპლებს, ყვავილებს
                            სურს, რომ დაუმეგობრდეს,
                            უნდა, მასთან შეხვედრას
                            ნატრობდნენ და ელოდნენ.
                     
                                ღრუბლის ქულამ, პრანჭიამ,
                                სასეირნოდ გასწია.



                                                          ყური

                                      ყურით გვესმის ყოველი,
                                      კარგიცა და ურიგოც,
                                      მაგრამ მათი გარჩევა
                                      უნდა შეძლო, ზურიკო.

                                      უფალს უნდა მიენდო,
                                      წრფელი გულით ილოცო,
                                      მშობლები ანუგეშო,
                                      მამულისთვის იცოცხლო.

                                            რწმენითა და სიკეთით,
                                            ერს დაურჩი იმედად,
                                            ჩემო თვალებხატულავ,
                                            შემოგევლოს დიდედა!


                                                        შობა

                                        შობის ღამეს, ვარსკვლავმა
                                        ბეთლემს სხივი მოჰფინა,
                                        ბაგა გააცისკროვნა
                                        ღიმით ახალშობილმა.
                                        კაცთა მოდგმას აუწყეს
                                        მწყემსებმა და მოგვებმა,
                                        რომ ქალწული დედისგან
                                        იშვა მხსნელი ყოველთა.
                                        სიყვარულის მოძღვარი,
                                        სათნოების მთესველი,
                                        ჩვენი შემწე, მფარველი,
                                        ნუგეშინისმცემელი,
                                        შემოქმედი  სოფლისა-
                                        ჩვენი მაცხოვნებელი.