1. დიდსულოვანი სამართლიანობა - ეს არის თვისებათა ერთობლიობა, რომლითაც განისაზღვრება ცივილიზაციისა და საერთოდ, ადამიანობის დონე.

2. იმიტომ კი არ გიყვარდეს, რომ უნდა გიყვარდეს, არამედ იმიტომ, რომ გიყვარს.

3. უკეთურებაა სიკეთისთვის ჯილდოს ძიება იმიტომ, რომ სიკეთე თვითონ არის ჯილდო ორი მიზეზის გამო: სიკეთის უნარი, რომელიც ყველას არ ეძლევა, შენ მოგეცა და  მოცემული უნარი იმისთვის გამოიყენე, რისთვისაც მოგეცა.

4. თუ შენ არაფერს მოითხოვ ცხოვრებისგან, გიყვარს და საკუთარი თავისაგან მოითხოვ ყველასათვის ყველაფერს, მაშინ შენ შეუქცევადი გეზი გაქვს აღებული წუთისოფლის სამარადისო ნიშნულისაკენ, რომელსაც ჩვენ ბედნიერებას ვეძახით.

5. სიცოცხლეში შენი ნებით ნუ მოკვდები, - რომც გაპატიონ, არ გეპატიება, რადგან, რადგან გაჩნდი, შენი მისია სიცოცხლეა და იცოცხლე; თუკი შენდაუნებურად მოკვდი, წამოდექი, შენ ეს შეგიძლია, და იცოცხლე მაინც, რადგან, რადგან მოკვდი, შენი მისია სიკვდილი მაინც არ არის: შენ სიცოცხლისთვის გაჩნდი და არა სიკვდილისთვის.

6. ადამიანი ხარ და ცნობიერება შენშია...
-შენი ცნობიერებით, გონებამ უნდა მოაწესრიგოს გრძნობები, მოპოვებულმა ჭეშმარიტებამ კი სამუდამო ადგილი დაიმკვიდროს გულში და ამ ჭეშმარიტებით მიხვიდე ღმერთთან(ახლოს).

7. მადლი ჯილდოა და არა ვალდებულება.

8. ყველაზე დასჯილი კაცი სიმართლისთვის დასჯილი კაცია.

9. დატოვეთ ყველა უარყოფითი თვისება ერთი წამით და თქვენ იგრძნობთ, რომ მარტო არა ხართ. განდევნეთ ყველა უარყოფითი თვისება სამუდამოდ და თქვენ გაიგებთ, რომ მთელი სამყარო თქვენთანაა და თქვენ იმყოფებით მთელ სამყაროში.

10. მე მწამს, რომ არსებობს; ის ხედავს რომ მწამს; მე ვხედავ, რომ არსებობს.

11. სამყარო უთვალავი სანახაობითაა სილამაზენაზავი, თუმცა მსგავსი მშვენიერება ვერა და ვერ მიპოვია, ვიდრე მანდილოსნის მანდილმოსილებაა.

                                                                                                                                  ავტორი: მუხრან აბაშიძე