რომ იცოდე როგორ მიყვარხარ,
შენ გამოიცვლიდი სახელს
და დაირქმევდი ჩემს სიყვარულს
ერთ ყველაზე უმზეო დილას,
ერთ ყველაზე უმწეო სხივად
მე მოვიდოდი და
ერთ ყველაზე ალისფერ კოკორს,
ბალიშზე,
სადაც შენი ამონასუნთქი
ჰაერი თბილა,
ფრთხილად დაგიწვენდი,
დარწმუნებული იმაში,
რომ
ვერანაირი ვარდის,
ვერანაირი სურნელი,
ვერ დამასწრებდა შენს გაღვიძებას
და ჩურჩულით ამას გეტყოდი-
-რომ ყოველთვის შენსავით ჩემში,
რომ ყოველთვის შენსავით ჩემთან,
მხოლოდ და მხოლოდ,
არის უფალი.