მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: შატილიონი
ჟანრი: პოეზია
17 მაისი, 2011

მუყაოს სენაკები

აქ მუყაოს სენაკებში
დაუდვია ტკივილს ბინა,
გაყინული თევზებივით
მიუსაფარ ბავშვებს სძინავთ.
ღამეა და ძრწის სამყარო,
გათენდება ტანჯვის დილა,
სულიწმინდა იმდუღრება,
ღვთისმშობელი წუხს და გმინავს!
ოხ, რა მწარედ კვნესის გული,
მათი მზერა როგორ მზარავს.
თუ ამ ბავშვებს ასე ვწირავთ,
აბა, ღმერთი რაღად გვფარავს!?
რად მინდოდა ეს ტაძარი,
რომ ამიგეთ ნათლის სვეტად,
თუ უფალი ასე ვგვემეთ,
ჯვარს ვაცვით და გვეზედმეტა?!
აბორგდება ღვთაებრივი,
სული რისხვით რომ აწეწოს
და მუყაოს ქოხმახები
სასახლეებს შეალეწოს,
შეაფურთხოს, შეაგინოს
უმადურთა უძღებ მადას,
ვინც საკუთარ სისხლს და მოდგმას
ჯოჯოხეთი განუმზადა!
კომენტარები ილუსტრაციები რეცენზიები