http://s2.mus.ge/E5DAF3B5-The_Manhattan_Transfer_-_A_Tisket_A_Tisket.mp3 ამას მოუსმინეთ თან ;)

გახსოვს დაგპირდი დავიძინებ და სულელურ წერილს მოგწერთქო. ხოდა იმის მერე რატომღაც არ დამძინებია. სულ იმ მელოტ სათამაშოზე ვფიქრობდი...

იცი მწყინდა, რაღაცეები მწყინდა, მაგრამ არაფერს ვამბობდი, მე ხომ თურმე არაფერი, არასდროს არ მაწუხებს. მეცინება, სარკეში ვიხედები და ისევ მახრჩობს მოგონებების მტვერი. მერე უაზრო სიზმრები ამოტივტივდება ხოლმე და ვიღაცის ხმები ამბებს ყვებიან:

//იცი რა გამახსენდა? ბავშვობაში რომ რადიოს ველაპარაკებოდი, ხოდა იმდენად უცნაურ ზღაპრებს მიყვებოდა, რომ დღემდე ვერ ვიხსენებ. მერე რადიო სადღაც გაქრა... გნომებიანად გაქრა... გახსოვს ჩემი გნომები? ხოდა დაუდგენელ თარიღში ყველაფერი გაქრა. მელოტი თოჯინაც, რომელიც სხვამ შეცვალა და...///

ისევ ლაყბობდნენ  მოუსვენარი ხმები:

--აფერისტი ვინ გიწოდა?
-- აი, მელოტის ვარიანტი როა, მაგრამ მელოტი რო არაა.
-- ხოოო, იციან მაგათმა მასე. აჰა, ესე იგი მელოტია, მაგრამ მელოტი არაა ხო?
-- ხო, ჯაგარივით თმა კი აქვს, მაგრამ მაინც მელოტია. მორჩა მელოტია და ვსო.
-- და ის მელოტი ეხლაც არის?
-- მგონი კი. მელოტი არაათქო, მაგრამ მელოტი როა ნუ...
-- მივხვდი , მივხვდი მელოტი როა და მელოტი რო არაა მაგარია ეეე.
-- ხო , ოღონდ მელოტი არაა, მელოტია!

სიზმარი რადიოს დაკარგვის შემდეგ:

//ხოდა რადიოს უქონლობამ იცი რა გამოიწვია?კიდევ ერთი სულელური ჩვევის შეძენა. სოფლის ან რაიონის ფოსტაში შევდიოდი, ხის სკამზე ვჯდებოდი და იმ მომენტს ველოდებოდი ,,დისპეჩერი” თავისი ,,კაბინიდან’’ რომ დაიყვირებდა :

//კარი მიხურეეეეეეეეეეთ და ისე ილაპარაკეეეეთ!.//

იმ კარს, ხომ პრინციპში კარი აღარ ერქვა. უშუშო, უსახელო, მაგრამ მაინც ღირსებით არსავსე აჭყრიალდებოდა ხოლმე. მერე ვიღაც გოგო ტირილს იწყებდა. ნეტა რა ატირებდა? ხმაური თუ რაიმე სხვა? ვიღაცას კი რკინის სარძევე ჭურჭელი ხელიდან უვარდებოდა და : ჩხაკ-ჩხუკ, ჩაკ-ჩხუკ, ასე გორავდა უპარკეტო იატაკზე.

ცოტახანში ,,დისპეჩერის” კარისა და ჭურჭლის ხმაური ერთმენეთში ისე ირეოდა, რომ  სიზმრები გაქცევას იწყებდნენ და:

--//,,აუ ისევ გამეღვიძა რა”!/
--//ხოდა მაშინ მომწერე.
-- დიახაც მოგწერ!
-- მეც მოგწერ!
-- ეხლა კიდევ გამეღვიძება და ბოლო სიზმარიც გამექცევა.
-- მერე დაიჭირე, იცოდე სათამაშო არ დაკარგო.
-- დაიმალა. ეგეც მელოტია.
-- ხო საყვარელი მელოტი.