ნაწარმოებები


ვულოცავთ!!! მუხრანის პრემიის გამარჯვებულებს, საიტის წევრებს ირაკლი ასლანიკაშვილს და თეა თაბაგარს. დაწვრილებით ლიტ-მოვლენაში     * * *     ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ეკა ბაზერაშვილი
ჟანრი: პოეზია
3 ივლისი, 2011


ლურჯი ლაგუნა

მე მხოლოდ ერთი ხოხბისფერი
ოცნება მქონდა...
და მისი კვალი ამჩნევია
ფანჯრის რაფაზე,
ცა მიბრალებდა, - ცისარტყელებს
ცრემლებით ქსოვდა,
შენ ამ ქსოვილთა სიდიადეს 
დღეს ვერ აფასებ!
ნათელი  სხივი მოუჩანდი
წყვდიადს, შვენოდა...
შენთვის რომ მოვკვდე, - სულ ეს გექნება
მოსატევები,
მე მხოლოდ ერთი სამკაული
მსურდა შენიდან, -
რომ სამაჯურად მკეთებოდა
შენი მტევნები;
წავედი!
ვიცი, გაოცებისგან
მდუმარედ დახვალ,
დღის მატარებელს ჩამოვაცილე
მუნჯი ვაგონი,
ჩემი თვალების საგუბარში
მუხლამდე დგახარ
და ნატრობ სურნელს ჩემი ლექსების
ლურჯი ლაგუნის...
მე მხოლოდ ერთი ხოხბისფერი ოცნება მქონდა.

კომენტარები ილუსტრაციები რეცენზიები

საიტის წევრს ნიკით:  გ.დ. ვულოცავთ დაბადების დღეს