ნაწარმოებები


ახალი კონკურსი “ლილე-2020“     * * *     დაწვრილებით ფორუმზე: ურაკპარაკის ფორუმი >> კონკურსები >> ლილე-2020     * * *     http://urakparaki.com/?m=13&Theme=1519     * * *    

ავტორი: დავით შემოქმედელი
ჟანრი: პოეზია
17 ივლისი, 2011


მინამალისტურები

***
ხმა სარდაფიდანაც გამოაღწევს
ქუჩაში, მაგრამ
ვაი, რომ სხვაა
ამ ხმის ძალა.
***
ნუ მიწყენ,
ზოგჯერ თუ გიბრაზდები,
ნაგვიანევი გაზაფხულისთვის
საყვედური, მახსოვს, ერთხელ
მზესაც შევკადრე.

***
მე დავბრუნდი შინ
და აღმოვაჩინე, რომ
აქედან არსად 
წავსულვარ...
***
მზე ჩავიდა,
ენძელები მაინც ყვაოდნენ
ჩემი სახლის წინ...

ან

ჩაალაგე ძველ აბგაში ოცნენები,
ან გაჰყევი გზას ბავშვობისაკენ,
ან დაახატე სევდა ხმელ ფოთლებს
და გააყოლე ნოემბრის ქარებს.

***
გუშინ თვალებში ჩავხედე ნაგაზს,
და როცა მიხვდა, რომ შემეშინდა,
მხოლოდ მაშინღა აყეფდა იგი...

ბავშვობა

მე მასწავლიდნენ სიარულს,
ლაპარაკს, ძილსაც კი...
მაგრამ არასოდეს უსწავლებიათ
თვალის გახელა.

მამა. შვილი.

ორი საწინააღმდეგო მიმართულებით
მოძრავი პარალელური ვექტორი,
სივრცის რომელიღაც ნაწილში
გადაიკვეთებიან.

კომენტარები ილუსტრაციები რეცენზიები

საიტის წევრს ნიკით:  გიორგი ებანოიძე ვულოცავთ დაბადების დღეს