( ფანდურზე სამღერი)

სხვას არასა გთხოვ, არ მინდა,
  ამ გულის ფეთქვა  ისმინე,
თორემ წავალ და  გავქრები,
ეს მიწა ვარ და ნისლი მე!
ხომ იცი,  წუთისოფელი
რა მზაკვარი და ფლიდია,
რაც უნდა ცეცხლით დაიწვა,
მაინც ბნელი და ბინდია!
ღვთივკურთხეული სიცოცხლე
ცოდვის  ჩანგალზე ჰკიდია,
მისი მანძილი და სუნთქვა
ჯვარცმა და ბეწვის ხიდია!
თუ ერთხელ გულს ულაღია,
მაშინაც ცრემლი გვდენია,
ისედაც  მთელი სიცოცხლე
სევდის კალო და კევრია.
იქნება სჯობდეს, წავიდე,
ეს გზებიც  იქით მიდიან,
გავყვე აჩრდილთა ქარავანს,
უფლის ნუგეში დიდია!
სხვას არასა გთხოვ, არ მინდა,
  ამ გულის ფეთქვა  ისმინე,
თორემ წავალ და გავქრები,
ეს მიწა ვარ და ნისლი მე!