ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ვიკა მჟავანაძე
ჟანრი: პოეზია
19 იანვარი, 2012


ლანდების მესა

ლანდების მესა

იქ, სადაც ტალღა ბორგავდა ღამით,
მელანდებოდა ლანდების მესა.
ნაიარევი და მთვრალი ამით,
ვკვდებოდი თითქოს იმ ეულ დღესაც.
ატმის კვირტივით ავფეთქდებოდი,
მამაცს, სიცოცხლე მწყუროდა მაინც.
მე, მომაკვდავი, სიოს შეგთხოვდი,
შენ ის საუნჯე გაეცი საით?!
ახლა მოვსულვარ ღამის აჩრდილი,
მოვსულვარ ისევ ჩუმად და გვიან,
მსურს მოვისმინო ველად გაჭრილი
შენი ჰანგები ცას როგორ ცვლიან.
ალვის ფოთოლზე დაფრენილს შაშვად
მეფერებოდა ლანდების მესა.
ალერსს შეგთხოვდი და ჩანდი არსად, _
შენ არ გესმოდა ის ჩემი კვნესა.

                                                      ვიკა მჟავანაძე
                                                            1999წ.


კომენტარები ილუსტრაციები რეცენზიები