ზოგჯერ მოგინდება შეიგინო
გულიანად და სადმე შორს წახვიდე,
სუნთქვა ბრონქებზე შეიყინო,
სულით დაემსგავსო მოჯაჰიდებს.

ძალიან მინდა, დავიკიდო
რაც წერია და რაც არ წერია.
ერთად ჩავბღუჯო და დავიწყვიტო
ყველა აორტა და არტერია.

..მახსოვს, შორიდან ჩანდა გემბანი,
ჩვენ შორის ძაფები წყდებოდა.
შენ გშორდებოდა ორივე ჩემგანი,
გული მწყდებოდა...

მოდი, გადავებათ აორტებით,
სუნთქვა ბრონქებზე შეიყინე.
მაინც დავშორდებით: გაორდები.
მიდი, შეიგინე!