ნაწარმოებები


ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: მე-დეა
ჟანრი: პოეზია
5 ივნისი, 2012


(ბართლომეს) ღამე...

იყო საღამო, მშვიდი
და მაგნოლიის სურნელი ჰქონდა
წვიმიან  ქალაქს.
ვიყავით მე და შენ -
მე - ჩემთვის. შენ - შენთვის...
ირგვლივ ქაოსი...
ჩვენ შევხვდით არაერთხელ
და ვერ ვიცანით ერთმანეთი.
მერე იყო გზა,
უსასრულო... (უფრო გვინდოდა)
ჩვენ ისევ შევხვდით...
ვიგრძენი, როგორ
შემოხვედი ჩემში
და ეს შეგრძნება
იყო უცხო
(უფრო ჩემთვის).
ბნელში არ ჩანდა
ჩვენი შიშველი სულები....
და მაინც ერთმანეთს შევესისხლხორცეთ...
მერე ვშვი შვილები –
ლაზარე და ბარბარე.
და ვზარდეთ ისინი.
ჩვენ ერთად ვცხოვრობდით -
ჩემში და შენში.
და ზღვარი ჩვენს შორის
ჩავხერგეთ და დავმარხეთ -
წლები...
ის ღამე არ იყო მსგავსი
სხვა ღამეების...
და ბოლოს...
დილა
შემოაისდა.
ჩვენ შევიცვალეთ -
შენ აღმა წახვედი
და მე კი დაღმა...
ახლა ტკივილებს ვმშობიარობ, ფურცლებზე...
მხოლოდ ესაა, შენგან რაც დამრჩა...

  2 ივნისი 2012



კომენტარები ილუსტრაციები რეცენზიები