ნაწარმოებები


ვულოცავთ!!! მუხრანის პრემიის გამარჯვებულებს, საიტის წევრებს ირაკლი ასლანიკაშვილს და თეა თაბაგარს. დაწვრილებით ლიტ-მოვლენაში     * * *     ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ღიმილა
ჟანრი: პოეზია
23 ივლისი, 2012


  ჩამოტვირთვა

ილაპარაკე /ნარინჯისფერივით/

ილაპარაკე...
მოგისმენ მე და ნაიარევ თვალებს გარიდებ,
განწყობა უფრო ცივი არის ვიდრე ალპებზე
გამთენია იანვრის მერე.
ხარ ემიგრანტი, დაკარგული ფრანგულ მიწაზე
და ყოველ დილით თუ გაცილებს სახლიდან ძაღლი,
ისიც კარამდე და მერე გიცქერს,
როგორ მიდიხარ მძიმედ და იკარგები ნისლში,
ხეტიალიც კი არ გბეზრდება და არც ეს ჩვევა,
რომ საათობით წვიმიან დღეს იდგე მონმარტთან
ფეხშიშველა და მარტოობისგან გადაღლილ თვალებს
ადევნებ წყვილებს, ვიდრე ქარი კაბის ბოლოს
აგიფრიალებს...
ილაპარაკე, როგორ მიყვარს შენი მოსმენა,
ილაპარაკე...
მოგისმენ მე და შენი ძაღლი
დაგიცდის კართან ერთგულ მეგობარს!

კომენტარები ილუსტრაციები რეცენზიები