+++

(პ.ს. ახლა ვნახე, ორივე ნიკი ერთი და იგივე ადამიანის ყოფილა)

კომენტარებში გამართულმა დისკუსიამ ძალიან მომხიბლა. მინდა ჩემი პატივისცემა გამოვხატო სოსო ლიპარტიასა და მაკარის მიმართ...

საინტერესო პიროვნება ხარ. თვალს ვადევნებ თქვენს შემდგომ კომენტარებსაც. 

საქმეც მაგაშია, რომ ფაქტოლოგიისა და ინტერპრეტაციის ერთმანეთში არევა ხდება (თუმცა, როგორც წესი, უბრალო ადამიანების მხრიდან და არა თავად მეცნიერების მხრიდან. მეცნიერები მხოლოდ სარგებლობენ ამით.). აი, მაგალითად, როდესაც თანამედროვე მეცნიერი, ვთქვათ - ასტროფიზიკოსი, მსმენელს უყვება სამყაროს წარმოშობის "ისტორიას" და თამამად საუბრობს "სამყაროსწარმომქმნელი დიდი აფეთქებისა და კოსმოლოგიური სინგულარობის შესახებ", თითქოს ავიწყდება, რომ ეს თეორია მისი ინტერპრეტაციაა და არა მეცნიერული ფაქტი, რადგანაც არ არსებობს არც თვითმხილველი და მით უმეტეს არც ლაბორატორიაშია შესაძლებელი განმეორებადი ექსპერიმენტის სახით ხელოვნურად დიდი აფეთქების განმეორება... ამიტომ, მეცნიერული ჰიპოთეზა, ინტერპრეტაცია მხოლოდ და მხოლოდ ისეთივე 'რწმენაა' სამყაროს წარმოშობის შესახებ, როგორიც კრეაციონიზმი - სწავლება ღმერთის მიერ სამყაროს შექმნის შესახებ.

მაგრამ, როდესაც არსებობს ფაქტი, თუნდაც ქვა, რომელსაც აწერია ქვა ვარო, და რომ არ ეწეროს, მისი თვისებებიდან გამომდინარე ვიცით, რომ ის ნამდვილად ქვა არის, რა დროც უნდა გავიდეს, თუკი ქვას წყალი დაერქმევა, ის თავის თვისებებს მაინც არ შეიცვლის და ყოველთვის ქვად დარჩება. ამიტომ, მეცნიერული ფაქტი სულ სხვაა, და სულ სხვაა მეცნიერული ინტერპრეტაცია.

დარვინიზმს რაც შეეხება, ეს დიდი ხანია უარყოფილია ყველა სამეცნიერო საზოგადოებაში. მრავალი მეცნიერი დარვინის სიცოცხლეშივე გამოდიოდა მისი მამხილებელი სწავლებით, მაგრამ მათი არავინ ისმინა, რადგან დარვინიზმის წარმატების საიდუმლო სწორედ დროის სულისკვეთებაში იყო. ხალხი უზნეობისკენ ილტვოდა და ამიტომ მათ მიიღეს დარვინიზმი, მიუხედავად იმისა, რომ არანაირი ფაქტოლოგია მას არ გააჩნდა. თითქოს შეეშინდათ იმისი დანახვა აღიარებისა, რომ მეცნიერების მთავარ ქუჩაზე საზეიმოდ მავალი ხელმწიფე, სინამდვილეში შიშველია...
აღსანიშნავია, რომ თავად ჩარლზი ანგლიკანური ეკლესიის წევრი იყო და კვირაობით მესებსაც ესწრებოდა...
მისმა სწავლებამ სახეობათა წარმოშობის შესახებ, დიდი გავლენა მოახდინა არა მხოლოდ ანთროპოლოგიაზე, არამედ ბიოლოგიასა და ეკონომიკაზეც კი...
ასეა თუ ისე, მან მიაღწია მიზანს - ადამიანი "გათავისუფლდა" ზნეობისგან...

გეთანხმები სრულიად მხოლო იმაში,რომ არ ღირს ადამიანს აწყენინო არც ერთი რამის გამო, ანბანის კიარადა ათასი წვრილმანის გამო ვუკლავთ გულს ერთმანეთს.
სიყვარული აკლია სამყაროს- მართალი თქვი.
ჭეშმარიტად მიხარია რომ რომ ასეთი განათლებული ხარ ასეთ უამრავ წყაროს იცნობ, ის უფრო მახარებს რომ კარგი პიროვნება ჩანხარ. რაც შეეხება მყარ მეცნიერულ ნაშრომებს მტკიცებულებებს პირადად მე მყარ ნიადაგად არ ვთვლი რადგანაც დღევანდელი მეცნიერული ფაქტი ხვალ შეიძლება სრულიად უსუსური გახდეს, ქვა რომ გდია და აწერია ქვა ვარო ხვალ შეიძლება სრულიად არ აღმოჩნდეს ქვა. ბევრი მეცნიერი მინახავს მეცნიერულ ნაშრომებში შესული და იქ გაბლანდული რომელსაც გამოსავალი ვერ უპოვია. მხოლოდ ორი მყარი რამეს ვცნობ მათემატიკას და ბიბლიას, დანარჩენ ფაქტებს და წყაროებს არც შენ გირჩევ რომ მყარ ნიადაგად მიიჩნიო და მასზე ააგო მეცნიერული ნაშრომი, ჯერ რაზეც ვეყრდნობით იმას სწორად ვკითხულიბთ? უხეშ მაგალითს მოგიყვან:
1 არა კაც კვლა
2 არაკაც კვლა
რა იცი ვინ როგორ კითხულობს თუნდაც ნაპოვნ ფაქტებს? სულ მალე შეიძლება დიდი აღმოჩენის წინაშე დავდგეთ და შენი არგუმენებსაც სხვა მიმარტულება სხვა ახსნა მიეცეს, სამწუხაროდ კაცობრიობის განვითარების ისტორია იმდენჯერ შეიცვალა რომ ახალი არტეფაქტებიც რომ დაუდო წინ ყველანაირად ეწინააღმდეგებიან ძლიერნი ანა ქვეყნისანი, აღარ უნდათ ისტორიის თავდაყირა დაყენება. დარვინის თეორიის საწინააღმდეგო არგუმენტის ხომ საერთოდ ცეცხლივით ეშინიათ. 

კახაბერ, მე, რატომღაც სათანადო ყურადღება არ მივაქციეშენს 14-ე კომენტარს. ახლა ისევ მივუბრუნდი და არ შემიძლია უპასუხოდ დავტოვო. ჩემი სათქმელი ადვილად გასაგები რომ იყოს, სათითაოდ, გამოყოფილად ვუპასუხებ რამდენიმე სტრიქონს.

1. "მიმართვა მსოფლიოს მეცნიერებს, აღმოსავლეთმცოდნეებს, მკვლევარებს, არქეოლოგებს, ანბანთმცოდნეებს, იუნესკოს

აღმოჩენილია შუმერების ანბანი".

  ამ წინადადებაზე კომენტირება იმდენადვე არასერიოზულია, როგორც თავად "დასაკომენტარებელი" წინადადება და აი რატომ: სერიოზული ადამიანი, რომელსაც პრეტენზია აქვს საკუთარ სამეცნიერო ხარისხზე, არ უნდა აკეთებდეს მეცნიერული ფაქტოლოგიით გაუმყარებელ განცხადებებს, თანაც მსოფლიოს მასშტაბით და თანაც ასე ქედმაღლურად... მით უფრო, რომ საქმე არა სამეცნიერო კვლევას, არამედ მის პირად ფანტაზიას(!) ეხება.

2. "ანბანის ხაზობრივი სისტემის შესახებ პირდაპირ მოუწოდებდა დიდი ქართველი მეცნიერი ივანე ჯავახიშვილი: “ჯერ ქართული ანბანის უძველესი მოხაზულობა და მისი თანდათანი განვითარება შესწავლილიარ იყო და მაინც ისეთი რთული საკითხების გადაწყვეტას ლამობდნენ, როგორიც ქართული ანბანის სადაურობაა … ვისაც ქართული ანბანის წარმოშობისა და სადაურობის საკითხი საგანგებოდ განხილული ჰქონდა, ამ საკითხის გადასაწყვეტად ან შესაფერისად აღჭურვილი არ იყო არც ქართულისა და არც სხვა ერთა დამწერლობის გრაფიკული განვითარების ცოდნით”.

  ჯერ ერთი, ეს კონტექსტიდან ამოგლეჯილი ფრაზაა და ბატონი თეიმურაზი არაფერს ამბობს იმის შესახებ, რომ ივანე ჯავახიშვილი, სწორედაც რომ ქართულ ასო-ნიშანთა აგებულების ქარისტიანულ საწყისებზე საუბრობს და არა მათ არქაულობასა და შუმერთან კავშირებზე. და თუკი ბატონ მიბჩუანს, საკუთარი სიმართლის გამოსააშკარავებლად იმ მეცნიერის ნააზრევი მოჰყავს, რომელიც ქართული ანბანის ფესვებს ქრისტიანობაში ჭვრეტს, მაშინ სრულიად გაუგებარი ხდება მისი შეხედულება, კერძოდ ის, რომ: "ეს უძველესი კულტურა საქართველოში ქრისტიანობამ გაანადგურა"...
  ვფიქრობ, ბატონი თეიმურაზის ვარაუდები ურთიერთგამომრიცხავნი არიან და ობიექტურ ხედვას სრულიად მოკლებულები.

3. "ჩვენი აღმოჩენები საოცარი სიზუსტით ეუღლება უდიდესი ამერიკელი მეცნიერის სემიუელ ნ. კრამერის კვლევას, მის ნააზრევს, რომელიც გადმოცემულია წიგნში “ისტორია იწყება შუმერიდან”, ჩვენ კი ვაცხადებთ, რომ ანბანი იწყება შუმერიდან და დღემდე ვერც ერთმა მეცნიერმა მსოფლიოში ვერ შეძლო დაემტკიცებინა ეს, იმიტომ, რომ ქართული ასომთავრულით, იგივე შუმერების ანბანით, არავის არასოდეს არ გადაუსინჯავს შუმერთა სიძველეები; მათ მიწაზე გაჩენისთანავე ჩამოჰყვათ ანბანი, იმ რკინასავით, რომელიც დედამიწაზე არ მოიპოვება, სამყაროსეული ლითონია, სახელად “ამუთუმ” ჰქვია და 5-ჯერ ოქროზე და 40-ჯერ ვერცხლზე ძვირია."

  ნუ, ეს უკვე კომენტარს არ საჭიროებს...

4. "შუმერების ანბანი უნდა აღმდგარიყო და აღსდგა იმ ხაზობრივი ფორმულით, რომელიც შეინახეს საკართველოს კავკასიონის მთის საცავებმა და ანკარის სიძველეთა მუზეუმში დაცულმა ხეთების უძველესმა ფერადმა თიხამ, რომელსაც ინგლისელი მეცნიერი მელარტი ძვ.წ. 6500-5600 წლებით ათარიღებს და 900 წლით ასწრებს ჩვენეულ დათარიღებას, 5600 წელს, მაგრამ ეს ჩვენს მიგნებას უფრო აძლიერებს, 5600 წელი კი ზუსტად ემთხვევა."

  გაუგებარია: თუ თარიღში ცდომილება 900 წელია, რომელ სიზუსტეზე საუბრობს ბატონი თეიმურაზი, ან როგორ აძლიერებს იგივე ცდომილება მის მიგნებას?! ნამდვილად დიდი ფილოსოფიური "მიგნებაა" მისი მხრიდან, რომელსაც პირობითად შეიძლება "ზუსტი ცდომილება" ან "ცდომილებათა სიზუსტე" ვუწოდოთ"... თანაც როგორ ამაყად დასძენს: "მსოფლიოს მეცნიერთაგან ასაკობრივ და ხაზობრივ ასეთ დამთხვევას ვერავინ დაიქადნის.". არ ვიცი რა ვთქვა, ალბათ ხუმრობს...

5. "თავდაპირველ უძველეს შუმერულ სიტყვებს საოცარი სიზუსტით ხსნის საქართველოში შემონახული ენები: მეგრული, სვანური და თავად ქართული (ეს ენები და ხალხი, მკვდარი და წაშლილი რომ ჰგონიათ მსოფლიოს მეცნიერებს, აქ, საქართველოში, შემონახული და ცოცხალია)."

  ამ სიტყვების წაკითხვის შემდეგ, განცდა დამეუფლა, რომ ბატონი თეიმურაზი ან თავს იკატუნებს, ან ჩვენ გვაბრიყვებს, ან შეგნებულად ცრუობს (თორემ, საიდან მოიტანა რომ ეს ხალხი - სვანები, მეგრელები და ქართველები (თანაც გაუგებარია, ასე გამოყფითა და ხაზგასმით ვის გულისხმობს "ქართველებში"?) მსოფლიოს მეცნიერებს მკვდარი და წაშლილი ჰგონიათ?!).
  ამ სამი ვარიანტიდან, არცერთი თუ არ არის მართალი, მაშინ რჩება მეოთხე ვარიანტი: ბატონი თეიმურაზი უბრალოდ გაუნათლებელი ადამიანია (რაც მე ნაკლებად მჯერა).

6. "და ბოლოს: შუმერების ანბანი – ქართული ასომთავრული, მზისა და მთვარის ანბანად წოდებული, სამყაროსეული ცივილიზაციის ფორმულით არის შედგენილი და დედამიწაზე ადამის მოდგმის განათლების სათავეა. ამ ანბანური განათლების საიდუმლოებათა ამოცნობა, გაგება და მიგნება სულ სხვა გზაზე აყენებს კაცობრიობის ისტორიას და აზროვნებას."

  კახაბერ, ძმაო, თუ შეძლებ ამიხსნა რას ნიშნავს "სამყაროსეული ცივილიზაციის ფორმულა", დიდად მადლობელი დაგრჩები...

7. "ანბანში რომ სამყაროსეული ცივილიზაციაა, მტკიცდება მისი მზისა და მთვარის კალენდარით, რომელიც დედამიწის ოთხ დროს წამების სიზუსტით ანგარიშობს და ისეთი სიზუსტითაა გააწიებული, რომლის მსგავსი თანამედროვე კაცობრიობამაც არ იცის.".

  ჯერ ერთი, "მზისა და მთვარის კალენდარი", როგორც ასეთი, საერთოდ არ არსებობს. არსებობს ტროპიკული (მზის) კალენდარი, რომელიც მრავალ ცივილიზაციას გააჩნდა და აბსოლუტურად ყველა მათგანი ითვალისწინებდა მთვარის ფაზებს (მთვარის 28 დღიან ციკლს), რომელსაც ბატონი თეიმურაზი "მთვარის კალენდარს" უწოდებს. აქ, უბრალო უცოდინარობაა...
  თუმცა, ჩვენ შეგვიძლია კიდევ უფრო დეტალურად გავიაზროთ კალენდრის "სიზუსტის" საკითხი:
  არსებობს ე.წ. ჰაბლის ველი, რომელშიც (მეცნიერთა მხრიდან) მოიაზრება კოსმოსი - მთელი ხილული სამყარო. იმისთვის, რომ წარმოვიდგინოთ, რამხელაა ეს ჰაბლის ველი, ოდნავ დავწვრილმანდეთ: ერთი ჩვეულებრივი ვარსკვლავი, როგორც წესი, რამდენიმე მილიონჯერ, ზოგჯერ კი მილიარდჯერ აღემატება მზის მასას. ჩვენს გალაქტიკაში (ირმის ნახტომში) არის დაახლოებით 250 000 000 000 (ორასორმოცდაათი მილიარდი) ასეთი ვარსკვლავი და თითოეულ ვარსკვლავს შორის მანძილი (ვარსკვლავთშორისი სივრცე) რამდენიმე მილიონი სინათლის წელიწადის ტოლია... სულ, არსებობს, დაახლოებით 200 000 000 000 (ორასი მილიარდი) გალაქტიკა და თითოეული მათგანი შეიცავს 200 000 000 000 - დან 400 000 000 000 - მდე ვარსკვლავს, თავიანთი მზეებით, პლანეტებით, კვაზარებით, ბლაზარებით, შავი ხვრელებითა და სხვა ციური სხეულებით. და აი, ეს ყველაფერი, მთელი ეს მატერიალური სპექტრი, ჰაბლის ველის მხოლოდ 4%-ს შეადგენს (24% არის ბნელი მატერია და 72% - ბნელი ენერგია)...
  ასტროფიზიკაში არსებობს "პულსირებადი სამყაროს თეორია", რომელიც კოსმოსის გაფართოვებასა და შეკუმშვას შეეხება. ცნობილია, რომ ამჟამად, სამყარო განიცდი ე.წ. ინფლაციურ პერიოდს და მისი გაფართოების სიჩქარე სულ უფრო წინასწარგანუჭვრეტელი ხდება...
  ამით იმის თქმა მინდა, რომ კალენდარი, როგორც სამყაროს მათემატიკური სურათი, რომლის მეშვეობითაც ხდება დროის ციკლების განსაზღვრა და მათი ცხოვრებაში გადმოტანა, შეუძლებელია იყოს "ზუსტი", იმ ელემენტარული მიზეზის გამო, რომ მთელი სამყარო განუწყვეტლად მოძრაობს, თანაც მოძრაობს სხვადასხვა სიჩქარით, და თანაც, ჩვენ, მთელ სამყაროს ჯერ კიდევ არ ვიცნობთ, რადგანაც ჩვენ, ჩვენი ტელესკოპებით, ვიმზირებით მხოლოდ 13,7 მილიარდი სინათლის წელიწადის ტოლ მანძილზე და იმის იქით რა ხდება, ჩვენ არ ვიცით!

  ახლა მითხარი, კახაბერ, როგორ შეიძლება ბატონი მიბჩუანი მიერ მოყვანილი "მზისა და მთვარის კალენდარი" წელიწადის დროებს წამების სიზუსტით ანგარიშობდეს?! ეს ხომ ელემენტარული არითმეტიკაა...

პატივისცემით - სოსო ლიპარტია.

პს.

ტკივილი არის სიგნალი ავადმყოფობის შესახებ. ასევე, ბუნებაში, ყველაფერი მოითხოვს ჰარმონიას, მის გარეშე ყველაფერი რღვევას ექვემდებარება. ის, რომ შენ გაურკვევლობის გამო ემოციური გახდი, შენი ქვეცნობიერის მიერ გამოგზავნილი სიგნალია იმის შესახებ, რომ არასწორ გზაზე დგახარ (რა თქმა უნდა არ ვგულისხმობ ცხოვრებისეულ გზას). ეს იმას ნიშნავს, რომ არავის უნდა მისცე ნება, საკუთარი აზრი მოგახვიოს. შენ თავად შეისწავლე შენთვის საინტერესო საკითხები (არა თვითნებურად, არამედ უკვე გამოცდილი და სანდო წყაროსგან, რომელსაც ობიექტური კრიტერიუმები ექნება სიმართლის დადგენისას) და თავად გადაწყვიტე, სად არის სიმართლე და სად - ემოცია.

პირადად ჩემთვის, მთავარი ის არის, რომ არც ქართული, არც შუმერული და საერთოდ არცერთი ანბანი არ ღირს იმად, რომ თუნდაც ერთ ადამიანს აწყენინო. თანამედროვე სამყაროს ყველაზე დიდი ტრაგედია - სიყვარულის დეფიციტია.

დიდი მადლობა სოსო ამომწურავი პასუხისთვის, არ ვჩხუბობ შენთან საჩხუბარი რა მაქვს, უბრალოდ ერთინი ერთს მიმტკიცებენ მეორენი მეორეს და ამ გაურკვევლობის გამოა რომ ემოციური გავხდი :) , ძმური ბოდიში რომ ზომიერება(სათნოობა) დავკარგე შენს წინაშე.

საინტერესო კითხვა დასვი: ჩვენს თემასთან რა შუაშია, რომელ ენას არ გააჩნია გრამატიკული სქესი? სიმართლე გითხრა, ვერ ვხვდები, მაგრამ, თუ საუბრის წარმართვა იქითკენ გსურდა, რომ ქართული ენა სქესის შექმნამდე წარმოიშვა (ანუ ქართული ენა იყო "ადამის ენა"), ამის გასაბათილებლად უბრალო ისტორიული წყაროები მეტყველებენ, განსაკუთრებით ტერტულიანესა და იოსებ ფლავიუსის ცნობები (ორივე მათგანი თვითმხილველია) ე.წ. ადამის სტელას შესახებ.

შეიძლება ამის თქმა სულაც არ გსურდა, მაგრამ, რადგან ეს კითხვა დასვი,რატომ ღაც ასე ვიფიქრე... არც თუ ისე იშვიათად ვხვდებით მსგავს შეხედულებებს...

თვალყურს ვადევნებ. მაინტერესებს მეც და ჯერჯერობით სოსო ლიპარტიას ვემხრობი :)
არ ვარ კომპეტენტური, თორემ...
საინტერესოა!
განაგრძეთ გთხოვთ :)

კახაბერ, ჯერ ერთი, რატომ ჩხუბობ? რა შუაშია შენი მეგობრის ბებია და მისი პარტიული წარსული? ან პასპორტის აფარება?

ჶ არის ბგერა, რომელიც ქართულ ენაში არ შესულა, მას ჰქონდა სხვა დატვირთვა. მაგალიტად, როდესაც ვამბობთ რაიმე სიტყვას და ბგერით წარმოვთქვამთ ჶ-ს, მაგრამ ვწერთ ფ-ს, იმიტომ რომ ჶ არა არის ქართული ანბანის წევრი გრაფიკული ნიშანი. როდესაც შეიქმნა ქართული დამწერლობა (არა აქვს მნიშვნელობა, ჩვენს წელთ აღრიცხვამდე თუ მოგვიანებით), ჶ არ სესულა ამ ანბანის ნიშანთა ნუსხაში. ის არ არის ორგანული, თვითმყოფადი ქართული ასო-ნისანი, ის არის კალკირებული გრაფიკული ნიშანი, რომელსაც ინტონაციური ხასიათი გააჩნდა და არ იხმარებოდა მწერლობაში. გამონაკლისს წარმოადგენს გვიანდელი (თანაც საკმაოდ გვიანდელი) ხანის რამდენიმე ნაწარმოები, სადაც ის არის გამოყენებული, მაგრამ ამით ის არ დამკვიდრებულა ანბანში, იმიტომ რომ არ არის ქართული.

არ მესმის, რა არის ამაში გაუგებარი.  დასავლეთ საქარტველოს მოსახლეობის უმეტესობა რომ რბილ "ლ"-ს იყენებს, ეს რას ნიშნავს, რომ ე.წ. "მიაგკი ზნაკი" ქართული ანბანის ასოა? დაახლოებით იგივეს ამბობ, იმ განსხვავებით, რომ ჶ-ს მცირე ხნით იყენებდნენ, მას კი - არა.

ჶ არ არის ქართული ასო-ნიშანი! ის არ არის ქართული ანბანის ოფიციალური წევრი!

ინტერნეტ ფონტები რომ მოგყავს მაგალითად, რატომ არ მოგყავს მაგალითად ძველი მწერლობა, დაწყებული მეხუთე საუკუნიდან დამთავრებული დღემდე? იმიტომ, რომ ასეთს ვერ ნახავ. მითხარი ერთი სვეტი, ერთი მონუმენტი, ერთი ფილა, ერთი ფირფიტა, ნაპოვნი არქეოლოგების მიერ, სადაც ქართულ ანბანში შესულია ასო ჶ. სად არის ეს მტკიცება? არ არსებობს!

ფონტებზე რომ საუბრობ, "ფონტი" ქართული სიტყვაა? რა თქმა უნდა - არა. ორიგინალ ენაზე ის გამოითქმის ზუსტად ასო ჶ-თი და არა ფ-თი. რატომ არ წერ მაშინ "ჶონტს" და რატომ წერ "ფონტს"? იმიტომ რომ ჶ კი არა, ფ არის ქართულის ორგანული ბგერა და ასე იყო ყოველთვის.

თუ ლინგვისტიკაზე საუბრობ, როგორც მეცნიერებაზე, ისაუბრე მეცნიერულად დასაბუთებული არგუმენტებით და არა ინტერნეტ ფონტებით და რამდენიმე ადამიანის ინტერპრეტაციებით. დამისაბუთე, რომ არსებობს ქარტული ანბანის ნიმუში, დათარიღებული გარკვეული წლით (არა თანამედროვე "მკვლევარის" მიერ შედგენილი და ინტერნეტში გამოქვეყნებული, არამედ ნივთმტკიცება!), რომელშიც ამოტვიფრულია, ან მიწერილია ქართული ანბანის ნუსხაში ასო-ნიშანი ჶ. ასეთს ვერ იპოვნი. მე კი უამრავ არქეოლოგიურ ნივთმტკიცებას გაჩვენებ (და თავადაც უამრავს ნახავ), სადაც ქართული ანბანი წარმოდგენილია 38 გრაფიკული ნიშნით.

ასე კამათი ძნელია. ფაქტებს დაგიდებთ ინტერნეტიდან კოპირებულს:
1.ქართული კლავიატურა 3.3 ფინალი. 39 ქართული ასო.
2.ქართული ფონტების გადმოწერა, კლავიატურის დრაივერს მოყვება 33 ქართული ასო და პლუს 6 ძველი ქართული.
ეს ინტერნეტ პარანოიაა? თუ რომელიღაცა ჩვენს შორის არ არის მართალი? გუშინ გავიგეთ მეგობრის ბებია კომპარტიის წევრი ყოფილა, ბევრი იგინა და იფიცეს მოუგონესო, სანამ პარტბილეთი არ ააფარა ახალმა რძალმა ძველი კამოდიდან ამოღებული.

ჶ ქართული ანბანის წევრი ასო-ნიშანი არ არის.

რა თქმა უნდა. პირის ნაცვალსახელს სქესი არ გააჩნია (ქართულის მსგავსად) სომხერ ენაში. ასევე არიან სხვა ენებიც, ნაკლებ ცნონილები.

33+6=39 .სოსო მაინტერესებს და ვერ მივაგენი , არა თუ არა სხვა ენები ქართულის გარდა ერთ სექსიანი, თუ იცი რომელი?

33+ჴჳჱჶჲჵ

რა 39-ზე? 39-ე ასოზე? ასეთი არ ვიცი. რომელია 39-ე ასო-ნიშანი ქართულ ანბანში?

39-ზე რას მეტყვით ისიც ინტერპრეტაციაა?

კახაბერ, ასო "დ"-ს თავზე "ა" - ეს ერთი ცალკე ასო-ნიშანი არ არის. ჯერ ერთი, უფრო ხშირად ეს კომბინაცია გამოისახება არა როგორც "დ"-ს თავზე "ა", არამედ, როგორც "დ"-ს შიგნით ჩახატული "ა", ამ შემთხვევაში რა გამოდის, 41 ასო გვაქვს? ნებისმიერი კარგი მხატვარი უამრავ ვარიაციას შექმნის ამ საკითხზე და ყველას თუ ცალკე ადგილი მივუჩინეთ ანბანში, საბოლოოდ უამრავ ასო-ნიშანს მივიღებთ. 'დ' არის 'დ' და 'ა' არის 'ა', მსგავსი კომბინაციები სხვა ასოებთანაც არსებობს, მაგრამ ეს არაფერს ცვლის.

ასეთ შემთხვევაში, ცალკე ასოდ უნდა განვიხილოთ ქარაგმა და ყველა კომბინაცია, რომელიც ქარაგმით იწერება, მაგალითად: ქარაგმიანი "რ" (რამეთუ), ან ქარაგმიანი "ვა" (ვითარცა) და ა.შ. აბსურდამდე მივალთ. ეს ყველაფერი კერძო ინტერპრეტაციებია და არა მეცნიერული ფაქტოლოგია.

40 ასო ქართულ ანბანში არასოდეს ყოფილა, არ არის და სავარაუდოდ, არც არასოდეს იქნება.

საინტერესო დისკუსიაა აქ :)

სოსო - ლიპარტიას! პირველ რიგში მინდა გაცნობო, რომ მე იმ ქართველების როცხვს არ მივეკუთვნები რომლებიც ბრმად , ყველგან ქართულ კვალს ეძებენ, და ქართველთა განდიდების მანიით არიან შეპყრობილნი. მე სიმართლე მაინტერესებს თუგინდ სამარცხვინო. მე ქართული ენის და დამწერლობის  საკითხში დაწყებით კლასში ვარ, თუმცა ბევრჯერ  შევსწრებილვარ ახალი არტეფაქტებით ძველი დოგმების მსხვრევას და აბსურდულის გაჭეშმარიტებას, დღეს თუ დამწერლობის შემქმნელად ფინიკიელებს მივიჩნევთ, ხვალ შუმერებს და ზეგ ეთიოპელებს, იქნება ამერიკაში  მაის ტომზე უფრო ძველი და პირველი დამწერლობას არმოჩნდეს და თავდაყირა დააყენოს მრავალი ნაშრომი და თვით ისტორიის მიმდინარეობა. ანდა რას მეტყვით "შვეიცარიელ მეცნიერთ სენსაციური აღმოჩენა
– ეგვიპტელი ფარაონები და თანამედროვე ევროპის მკვიდრთა
ნახევარზე მეტი გენეტიკურად კავკასიელები არიან" ამ ფაქტზე? ამას ხომ შვეიცარიელი წერს (მადლობა უფალს) თორემ ქართველი რომ ყოფილიყო მატრაკვეცობაში ჩაუთვლიდით.ან ფესტოსის დისკოს გაშიფრვის მცდელობებზე თუ გაგიგიათ რამე? ბატონ ბესიკ ხურცილავას საკმაოდ დიდი შრომა ჩაუდევს, თქვენც ფრიად კომპეტენტური ბრძანდებით ამ საკითხში, მაგრამ ერთი ვერ გამიგია ამხელა კვლევა და ყურადრება არ მიგიქცევიათ , არ იცნობთ სულხან-საბას სადაც  გარკვავით უწერია 40 ციფრებით რასაც თქვენ სტამბის შეცდომა უწოდეთ და მერე სხვადან გვ19ზე უწერია დამარცვლით ორმ(ო)ცი. ვნახე 39 ასო ნიშანი და 40. ანუ მეორმოცე ასო ნიშანია დ(თავზე)ა, ალბათ ხშირად შეგხვედრიათ ნაწერებში და ყურადრება არც მიგიქცევიათ, ალბათ იფიქრეთ ადგილის ეკონომიის მიზნით არის ასე დაწერილი ანდა დამწერლის სტილს სილამაზეს დააბრალებთ. მაშინ რატომ არ არის დაწერილი  ცა ც(თავზე)ა-თი?ეს ხომ უფრო ადვილია? ან ჭა ჭ-ზე ა? და ა.შ.  და არის და-ს-აწყისი და-ს-ასრული. ორმოცის კავშირი ანუ ორმო და ცის კავშირი. (ნახე ორმოცივე ასო  აქ http://kakhaberchichinadze.blogspot.com/  ) ჩვენ 33 ასოთიც კარგად ვსაუბრობთ მეტყვით, რა საჭიროა 40? ბიბლიისთვის მის სწორად წასაკითხად. გუშინ მოკლე ტექსტი დავწერე ასო თ-ს და მის გამოკლებით და ნახე რა მივიღე:

თ
*ავი ჭირდება ყოველსა სუფრასა უნდა *ამადა,
*ასი რომ შესვა შეიცნო , * ვალი *არსია, *ვისადა

თავი ჭირდება ყოველსა, სუფრასა უნდა თამადა,
თასი რომ შესვა შეიცნო, თვალი თარსია,  თვისადა.

მიხვდი ალბათ ჩემს აზრს? აი რატომ ორმოცი და არა 33, ან 38.
პატივისცემით
/კახაბერ ჭიჭინაძე/
P.S. პოეტებს ბოდიში რომ ვერ გავრითმე სათანადოდ.

ნუ, ეს, რაც ეხლა დაწერე, უკვე ნამდვილი აბსურდია და არანაირი მეცნიერული საბუთი არ გააჩნია. ეს არის რამდენიმე მეცნიერისა და უფრო მეტი დილეტანტის (მათ შორის, განსვენებული კარგი ქართველი პატრიოტის, ზურაბ ქაფიანიძის) კერძო მოსაზრებები, რომლებიც განავითარეს არა ობიექტურ მონაცემებზე დაყრდნობით, არამედ ემოციების საფუძველზე... ასე ხშირად ხდება ხოლმე. გაიგებენ რაიმე მსგავსებას შუმერსა და ქართულს შორის და იმ წამსვე სურთ დაამტკიცონ მათი იდენტურობა... არადა უამრავი საერთო კავშირი არსებობს ქართულსა და ნებისმიერ სხვა ცივილიზაციას შორის, განსაკუთრებით ფოლკლორსა და ზეპირსიტყვიერებაში. მაგრამ მსგავსება არსებობს დიალექტიკისა და ბგერების დონეზე და არანაირი კავშირი არ გააჩნია დამწერლობასთან. მეტსაც გეტყვი, შუმერთა ანბანი საერთოდ უცხოდ მოგეჩვენება იმის მერე, მაგალითად თუ ნახავ ტიგრინიას (ერიტრეას დამწერლობას). შეგიძლია გუგლიში ნახო და დარწმუნდები არა მხოლოდ მსგავსებაში, არამედ ზუსტადაც რომ იდენტურობაში, მრავალი ასო ზუსტად მეორდება ასომთავრულში, მაგრამ ეს არ ნიშნავს რომ ერიტრეას კავშირი აქვს ქართველებთან და მით უმეტეს ტიგრინიას - ასომთავრულთან. ერიტრეა არ არის იმდენად დიდი ცივილიზაცია, რომ მისით მოხიბლულიყვნენ, თორემ, ვინ ოხერი, ყველა იტყოდა რომ ჩვენ რამზეს დიდის შთამომავლები ვართ...

ამ საკითხზე რომ სერიოზულად ვიმსჯელოდ და გავარჩიოთ, აქ არ გამოვა, მრავალათეული გვერდების დაწერა მოგვიწევს, ამიტომ მოდი, ჯერ გაეცანი ჩემს მასალას და დაუკმაყოფილებლობის შემთხვევაში განვაგრძოთ საუბარი.

თუ სურვილი გექნება, შენს მიერ მოყვანილი ავტორიტეტი შევახვედროთ ჩემს მეგობარს, ვისი წიგნიც მოგეცი წასაკითხად.

კარგია, როცა სერიოზული საკითხებით ინტერესდება კაცი. გაიხარე. ღმერთმა დაგლოცოს.

(ძველი აღმოსავლეთის სამყაროსეულ ცივილიზაციათა სათავე)

მიმართვა მსოფლიოს მეცნიერებს, აღმოსავლეთმცოდნეებს, მკვლევარებს, არქეოლოგებს, ანბანთმცოდნეებს, იუნესკოს

აღმოჩენილია შუმერების ანბანი,

დედამიწაზე სამყაროსეული ცივილიზაციის პირველი მკვიდრი, აღმოსავლეთის უძველეს ცივილიზაციათა სათავე.

აღმოჩენილია ანბანის რიცხვითი ფორმულა, რომელიც საოცარი ზეწესრიგით განაგებს ასოთა მოხაზულობას, რიცხვებს, მათემატიკას, გეომეტრიას, ასტრონომიას.

ანბანის ხაზობრივი სისტემის შესახებ პირდაპირ მოუწოდებდა დიდი ქართველი მეცნიერი ივანე ჯავახიშვილი: “ჯერ ქართული ანბანის უძველესი მოხაზულობა და მისი თანდათანი განვითარება შესწავლილიარ იყო და მაინც ისეთი რთული საკითხების გადაწყვეტას ლამობდნენ, როგორიც ქართული ანბანის სადაურობაა … ვისაც ქართული ანბანის წარმოშობისა და სადაურობის საკითხი საგანგებოდ განხილული ჰქონდა, ამ საკითხის გადასაწყვეტად ან შესაფერისად აღჭურვილი არ იყოარც ქართულისა და არც სხვა ერთა დამწერლობის გრაფიკული განვითარების ცოდნით”. ჩვენმა მიგნებულმა ფორმულამ ჩვენი ანბანის ხაზობრივი სისტემა – ამოცნობილია მსოფლიო შუმეროლოგიისათვის ამოუცნობი ძვ.წ. 5000 წლის შუმერული თიხის ფირფიტები და ბეჭდები.

ამ ანბანშია სამყაროსეული ღვთაებათა პანთეონი – საკრებულო, რომლისგანაც შეიქმნა დედამიწაზე კაცთა მოდგმის ყველა რელიგიური მიმდინარეობა.

ქართული ასომთავრული ანბანი შუმერების ანბანია!

შუმერების ანბანში მთვარე და მზე ასო-ნიშნებადაა: a – ასო-ნიშანს “ანი”, მთვარის უძველესი სახელი ჰქვია, d – ასონიშანს “დონი” ჰქვია, მზეა, ოღონდ უწიგნურმა უძველესმა ხალხებმა სიტყვებად გადაიღეს, სიტყვა “მთვარეს” კი ვერ წერდნენ, პირდაპირ მთვარეს ხატავდნენ, ასევე – მზეს, ასოები არ იცოდნენ. ვერ წერდნენ და ხატავდნენ. ასე შექმნა გაუნათლებელმა მსოფლიომ ხატოვანი დამწერლობა, რომელსაც დღევანდელი კაცობრიობა და მისი მეცნიერები დასაწყის პირველდამწერლობად მიიჩნევენ. ეს რომ ასე არ არის და ჩვენი აღმოჩენაა სწორი, ამას ადასტურებენ ძვ.წ. 5600 წლის შუმერული თიხის ფირფიტები, ჭურჭელი, თიხის და რკინის ბეჭდები, სარკოფაგთა წარწერები, ამავე დროს შუმერული ანბანის ასო-ნიშნები, რომლებიც მსოფლიოს მეცნიერებს ასოებად კი არა, სიტყვებად მიაჩნიათ.

ჩვენი აღმოჩენები საოცარი სიზუსტით ეუღლება უდიდესი ამერიკელი მეცნიერის სემიუელ ნ. კრამერის კვლევას, მის ნააზრევს, რომელიც გადმოცემულია წიგნში “ისტორია იწყება შუმერიდან”, ჩვენ კი ვაცხადებთ, რომ ანბანი იწყება შუმერიდან და დღემდე ვერც ერთმა მეცნიერმა მსოფლიოში ვერ შეძლო დაემტკიცებინა ეს, იმიტომ, რომ ქართული ასომთავრულით, იგივე შუმერების ანბანით, არავის არასოდეს არ გადაუსინჯავს შუმერთა სიძველეები; მათ მიწაზე გაჩენისთანავე ჩამოჰყვათ ანბანი, იმ რკინასავით, რომელიც დედამიწაზე არ მოიპოვება, სამყაროსეული ლითონია, სახელად “ამუთუმ” ჰქვია და 5-ჯერ ოქროზე და 40-ჯერ ვერცხლზე ძვირია.

შუმერების ანბანი უნდა აღმდგარიყო და აღსდგა იმ ხაზობრივი ფორმულით, რომელიც შეინახეს საკართველოს კავკასიონის მთის საცავებმა და ანკარის სიძველეთა მუზეუმში დაცულმა ხეთების უძველესმა ფერადმა თიხამ, რომელსაც ინგლისელი მეცნიერი მელარტი ძვ.წ. 6500-5600 წლებით ათარიღებს და 900 წლით ასწრებს ჩვენეულ დათარიღებას, 5600 წელს, მაგრამ ეს ჩვენს მიგნებას უფრო აძლიერებს, 5600 წელი კი ზუსტად ემთხვევა.

მსოფლიოს მეცნიერთაგან ასაკობრივ და ხაზობრივ ასეთ დამთხვევას ვერავინ დაიქადნის.

აქ, კავკასიონის მთის საცავებში, ადარჩა სამყაროსეული ცივილიზაციის ის უდიდესი კულტურა, რაც მთელ აღმოსავლეთში რელიგიამ დამარხა. ეს უძველესი კულტურა საქართველოში ქრისტიანობამ გაანადგურა, მთელ მცირე აზიასა და ახლო აღმოსავლეთში კი მაჰმადიანურმა მოსპო იგი.

თავდაპირველ უძველეს შუმერულ სიტყვებს საოცარი სიზუსტით ხსნის საქართველოში შემონახული ენები: მეგრული, სვანური და თავად ქართული (ეს ენები და ხალხი, მკვდარი და წაშლილი რომ ჰგონიათ მსოფლიოს მეცნიერებს, აქ, საქართველოში, შემონახული და ცოცხალია).

ჩვენი გამოკვლევების მიხედვით სულ სხვა სახეს იღებს მსოფლიოს ხალხთა ანბანური გავრცელების ცხრილი.

ანბანში რომ სამყაროსეული ცივილიზაციაა, მტკიცდება მისი მზისა და მთვარის კალენდარით, რომელიც დედამიწის ოთხ დროს წამების სიზუსტით ანგარიშობს და ისეთი სიზუსტითაა გააწიებული, რომლის მსგავსი თანამედროვე კაცობრიობამაც არ იცის.

და ბოლოს: შუმერების ანბანი – ქართული ასომთავრული, მზისა და მთვარის ანბანად წოდებული, სამყაროსეული ცივილიზაციის ფორმულით არის შედგენილი და დედამიწაზე ადამის მოდგმის განათლების სათავეა. ამ ანბანური განათლების საიდუმლოებათა ამოცნობა, გაგება და მიგნება სულ სხვა გზაზე აყენებს კაცობრიობის ისტორიას და აზროვნებას.

შუმერების – იგივე ქართული ასომთავრული – ანბანი აღმოსავლეთის ყველა უძველეს ცივილიზაციათა სათავეა, რომლის გაცნობა მსოფლიოს აღმოსავლეთმცოდნეებს აძლევს საშუალებას ახსნან ჯერ ამოუხსნელი ყველა საიდუმლოება, რითაც სავსეა კაცთა მოდგმის დღემდე ბოლომდე ამოუცნობი პირველი სიძველეები.

ჩვენი აღმოჩენები ითხოვს თავიდან გადავხედოთ მთელ არქეოლოგიურ მასალას, რაც კი კაცობრიობას დედამიწის სიღრმეებში უპოვნია შუმერების შესახებ.

ისტორიის მეცნიერებათა დოქტორი, პროფესორი
თეიმურაზ მიბჩუანი

დიდი მადლობა მოწოდებული ნაშრომისთვის.აუცილებლად გავეცნობი. იმის გამო რომ მე მკვლევარი არ ვარ არც ამ საკითხს ვიცნობ სიღრმისეულად,  თქვენი ნებართვით ამ ნაშრომს გავაცნობ დრევანდელი დროების "სულხან-საბას" ბატონ გიორგი-იური სალუქვაძეს. საუბრიდან გამომდენარე ვასკვნი რომ ამ საკთხში ფრიად გათვითცნობიერებული ბრძანდებით, 40 ასოა რაც შეეხება ეს პიროვნება სრულყოფილ პასუხს გაგცემთ დასაბუთებულად. რაც შეეხება სარედაქციო შეცდომას სამგან სხვადასხვა წყაროს დაყრდნობით არის მოხსენიებული. დაინტერესების შემთხვევაში მოგაწვდით ბატონი სალუქვაძის საკონტაქტო ნომერს.

კიდევ ერთი, არც თუ ისე უმნიშვნელო ფაქტი: სულხან-საბა ცხოვრობდა ვახტანგ ეექვსეს ეპოქაში - მეფის, რომელმაც 1712 წელს მის მიერვე დაარსებულ სტამბაში დაბეჭდა პირველად ვეფხისტყაოსანი... ასე რომ, ჩვენ ხელთ გვაქვს ნივთიერი მტკიცებულება და კერძოდ: თუ კი ორბელიანის დროს ქართულ ანბანში ირიცხებოდა 40 გრაფიკული ასო-ნიშანი, ანუ, 38 ცნობილი ნიშნის გარდა, კიდევ 2 ნიშანი, რატომ არ გვხვდება არც ერთი მათგანი არც სულხან-საბას ხელნაწერებში, არც მის თანამედროვე გურამიშვილთან და რაც მთავარია, არც მეფის მიერ გამოცემულ "ვეფხისტყაოსანში"? ვეფხისტყაოსანი ხომ გაცილებით ადრე შეიქმნა და შესაბამისად, თუ საბას დროს არსებობდა ეს ნიშნები, მით უმეტეს უნდა არსებულიყო შოთას დროს, ხოლო თუ ეს ნიშნები საბას დროს შეიქმნა და ამიტომ არ შესულან ისინი ზემმოთ მოყვანილ ტექსტებში, მაშინ ისინი უნდა მოღწეულიყვნენ ჩვენამდე (ეს ხომ არც ისე დიდი ხნის წინ იყო), მით უმეტეს, რომ იმ დროისთვის უკვე არსებობდა ქართული სტამბა.

მითხარი მეგობარო, როგორ ფიქრობ, რაშია საქმე? აშკარაა, რომ აქ ან სარედაქციო შეცდომასთან გვაქვს საქმე, ან კიდევ თავად სულხან-საბა გულისხმობდა რაღაც აშკარად სხვას.

ამას აუცილებლად გავარკვევ. საინტერესოა.

არცერთი ძველი ხელნაწერი, არცერთი ისტორიული წყარო, არცერთი მეცნიერი არცერთ თავის კვლევაში არათუ ახსენებს, არამედ არანაირ საფუძველსაც კი არ იძლევა იმისთვის, რომ სავარაუდოდ მაინც მივიჩნიოთ როდისმე ქართულ ანბანში 40 გრაფიკული ნიშნის არსებობა. შესაძლოა შეცდომა არის დაშვებული კონკრეტულ გამოცემაში, ან სულხან-საბა გულისხმობს არა გრაფიკულ ნიშანს, არამედ ეპისიმონებს, რომლებიც დიალექტიკურ ხასიათს ატარებდა და არ იყვნენ დამწერლობის წევრი ნიშნები, შესაბამისად არ გააჩნდათ არც სათვალავები და არც ინდექსები (რიცხვითი მნიშვნელობები). მოკლედ, ჩემი აზრით გასარკვევია და აუცილებლად გავარკვევ.
გთხოვ, რომ დიდი ყურადღებით წაიკითხო ნარკვევი, რომელიც გამოგიგზავნე. მერწმუნე, სულხან საბაზე სანდოა, და არა მარტო მასზე. კმაყოფილი დარჩები.

ხუმრობა, რასაკვირველია მესმის :) გაიხარე.

სოსო ,არ დამღუპო ფარნავაზის ხელნაწერი ხომ არ გაქვს?  :) იმედი მაქვს ჩემს ძმურ ხუმრობას გაიგებ მეგობარო

საინტერესოა  ლექსიც  და  კომენტარებიც

სულხან-საბა ორბელიანი. ლექსიკონი ქართული ტომი (პირველი) გვერდი 18.
"ქართულთა ენათა ანბანთა ასონნი არიან 40 და ებრაელთა 22,ლათინთა 24 და ელლენთა,არაბთა 29,ინდოთა 12,.......
ძმაო სოსო თუ სულხან-საბაზე სანდო სამეცნიერო ნარკვევის მითითება შეგიძლია ძლიერ დამავალებ, დღევანდელ ქართულ/შაშკინულ ენაში შეიძლება 33იც აღარ არის.
მე დილეტანდი ვარ-გამოუცდელი ამ საქმეში და თქვენ უფრო ადვილად მიაგნებთ იმ ორ ასოსაც.

კონკრეტულად, შეგიძლიათ მითხრათ რომელი 2 ასო-ნიშანი იყო ილიამდე დაფარული? პმ-ში მოგწერეთ ჩემს მიერ მითითებული მასალა.

"დალეწეს კარი ორმოცი, მათგან არს ზედა ომია" (რუსთაველი)
თუ თითოეულ კარს თითო გასაღები აღებს  33 გასაღებით 40 კარს ვერ გახსნი.
ორი ილიამდე იყო დაფარული ,ილიამ კიდევ 5 ამოიღო , მაგრამ ამოიღო და არა გადააგდო! ხვალ სულხან საბას სიტყვატა ლექსიკონის გვერდს მიგინიშნებ სადაც წერია 40 ასო ნიშანი ......
ბატონო სოსო სიამოვნებით გავეცნობი თქვენს მიერ მითითებულ სამეცნიერო ნაშრომებს.

სურვილის შემთხვევაში, შემიძლია, ჩემს მიერ მითითებული სამეცნიერო ნარკვევები გაჩვენოთ, როგორც მტკიცებულება.

პატივისცემით.

ლექსის სისუსტეებსა თუ ღირსებებზე არ შევჩერდები, უბრალოდ, ორიოდ საკითხზე მინდა ყურადღება გავამახვილო:

1. ქართული დამწერლობის არცერთ ფორმაში არ არის 40 ასო-ნიშანი. ასომთავრულში არის 36 ასო-ნიშანი და 1 ეპისიმონი. ასევეა - ნუსხა-ხუცურში და ასევე იყო მხედრულშიც, ვიდრე ენობრივი რეფორმა გატარდებოდა.

2. იოანე ზოსიმეს მიერ ქართული ენის მიმართ მიძღვნილი ძეგლი, წარმოადგენს დავათის სტელას (ქვა-სვეტის) პოეტურ ვერსიას, რაც უახლესი სამეცნიერო კვლევებით დადასტურდა. შესაბამისად, "ქებაი"-ს ტექსტში "ლაზარედ" მოხსენიებული ქართული ენა, ავტორის მიერ არ მოიაზრება, როგორც "ღმერთის ენა", არამედ, წარმოადგენს მხოლოდ იზოფსეფიურ განმარტებას ქართლის მეფე ბაკურისა და წარჩინებული გრი-ორმიზდის პიროვნებათა ღვაწლის შესახებ ქართული დამწერლობის საქმეში.

3. იოანე ზოსიმე არ არის "ქებაი და დიდებაი ქართულისა ენისაი"-ს ავტორი, არამედ ის გახლავთ მხოლოდ გადამწერი ან რედაქტორი, როგორც ეს დადასტურებულია თავად მისივე მინაწერით, რომელიც "ქებაი"-ს ერთ-ერთ (სინურ) ხელნაწერზეა შემორჩენილი.

მემგონი ზუსტად რაიმეს მითითებაშეუძლებელია.ლექსი კი

                            +

დიდი მადლობა ხათუნა გულახდილი შეფასებისთვის, მე პოეტი არ ვარ, ერთი წელია რაც სრულიად უვიცობიდან წერა დავიწყე, უფრო მეტ კრიტიკას და უფრო ზუსტად თუ მიმინიშნებ დიდ სამსახურს გამიწევ, იქნებ მომავალში წამადგეს შენიშვნები,გპირდები გავითვალისწინებ!

იოანე ზოსიმეს ,,ქებაი..." კი, მაგრამ ეს ლექსი  ვერ არის იმ დონეზე, როგორც ეს  ზემოხსენებულ თემას შეეფერება! სამწუხაროდ!  წარმატებები!