კაცები არა კვდებიან
კაცებად იბადებიან,
არ ვიგულისხმე მამრი მე,
ქალიც ხომ დედა-კაცია,
ზოგი მდედრი კი მამრიზე
უფრო მეტადაც კაცია,
დროისგან გაუტეხელნი
მოუდრეკელნი ჟამისგან
სიტყვისა კბილით დამჭერნი,
ერთგულნი თავის წრმენისა.

თუ კაცი გვყავდა მეფედა
ქვეყნისთვის თავდადებული,
დემეტრე ერქვა სახელად
ქმნა საქმე კაცგან ქებული
არც დედოფალმა დაუთმო
იქმნა  წმინდანად ცხებული
აზრი ვერ შეაცვლევინეს,
შანთითა გაცხელებულით
ხორცი აგლიჯეს, ცოცხალსა
სულსა ვერ ავნეს შუბ ძგერით
ქეთევან სულით მამაცო,
მამრნი რას მოვლენ შენს გვერდით.

კაცები არა კვდებიან
კაცები მიიცვლებიან,
ვისაც ღმერთის გწამთ ნუ სტირით,
მხოლოდღა გარდიცვლებიან
მონატრებისა ცრემლები,
მარტო ამისთვის ცვივიან.

ხორციელ გინდათ იხილოთ?
არც ეგ არარის ძნელიო,
იმ დროში ისევ ცოცხლობენ,
ისევ ეცვლებათ წლებიო
თუ გყავს მანქანა გადადი
მოინახულე სხვებიცო
თუ არა ფიქრით გაფრინდი,
დროს ადვილად კვეთს აზრიცო,
თუ ჩემი ნახვაც მოგინდეთ,
მეც ჩემს წლებში ვარ მოდითო.
კაცები არა კვდებიან
კაცები გარდიცვლებიან!
უბრუნდებიან იმ ალაგს
საიდანც  გვევლინებიან!