ანტრე  მეგობარო,
გარეთ  დაისია,
ახლა ამ ცხოვრებას
შლიან გამეტებით...
ადრე გაპარულა თითქოს
მარისია,
წუხელ რომ იყიდე
ყალბი მონეტებით...
ხოდა გაიკვირვე ახლა,
რა იციან?!
ვინ ხარ,
რა ცეცხლია -
სულში დანთებული...
ან ეს ფალასები,
რისთვის ჩაგიცვია?!
ვისთვის გაგიწყვია
სუფრა გათენებით...
ანტრე...
მეგობარო,
ჯერ ხომ არ გიგრძვნია -
შუბლზე მიდებული
ლულის  ზარნიშები.
აღარც ის არ გახსოვს
ვისთვის აგიშლია
წუხელ  სარეცელზე
რბილი ბალიშები....
მოდი გაიღიმე,
თითქოს მაისია,
თითქოს აღარ შლიან
დილას ნაბოზრები
მერე რა, რომ ახლა
უკვე დაისია,
და  ამ ცხოვრებიდან
ვეღარ გამოძვრები...