რა გასაკვირია,მე თუ მომეწონა,როცა ყველას მოეწონება,ვინც კი გაიცნობს.....ჩვენი
მენტალიტეტისგან სრულიად განსხვავებული....რელიგიითაც.. კულტურითაც...მაგრამ
დახვეწილი და რაც მთავარია,საინტერესო....წარმოსადეგი და ლამაზი....
    სად ცხოვრობს? უნდა გაგაკვირვო და ლაჰორეში,პაკისტანისა და ინდოეთის
საზღვარზე.გაგიკვირდა? ხომ გითხარი,პირველად მეც  გამიკვირდა....

  არც ეს ქალაქი,არც მისი ეროვნება (სვატი) ცხოვრებაში განაგონი არ მქონდა და არც
მექნებოდა,  იმთიაზი რომ არ  გამეცნო.
    დაიცა გავიხსენო....აგვისტოში უკვე ვიცნობდი...ესე  იგი, თუ კარგად გადავიანგარიშებ,
ორი ან სამი თვეა, რაც ვიცნობ.
  დალოცვა იცის ისეთი,ნებისმიერს რომ შეშურდება.....ღმერთმა  მოგცეთ ძალა და ბედნიერება
და  შვილების ჯანმრთელობა...ასე იცის....ღმერთმა?  თუ იცი რომელმა ღმერთმა?
ალაჰმაა....ხო. ხო  .ზუსტად მასეა.ის მუსულმანია და მისი ოჯახის წევრი ქალები ჩადრებით დადიან.
.
          მე ხო მიკვირს მისგან მონათხრობი ყველაფერი,მაგრამ მას რომ უკვირს,იმასთან ჩემი გაკვირვება რა მოსატანია.......ქალი,  იცის გათხოვილი.მამაკაცს,ანუ მას, ასე თავისუფლად
ველაპარაკები...ვწერ,ვურეკავ,ყველაფერზე ვსაუბრობთ.  უკვირს და აღარ იცის
რაქნას.....უხერხულობისგან ისეა დაძაბული.ყოველდღე მეკითხება....ქმარი როგორ
ბრძანდება...შვილები როგორ არიან....ხომ სწავლობენ ....ვინ უხდით ან ვის აფინანსებთ  ......

        რა ენაზე ვეკონტაქტები?გაგიკვირდა?  ჩემი დამტვრეული და ფეხმოტეხილი
ინგლისურით....დიახ...მე ვამტვრევ და ის კი უნაკლოდ ფლობს ინგლისურს...

        რაღაც ორი სამი სიტყვით ქალის უფლებებზე რომ ვკითხე,შევატყე, გაწიწმატდა.მომიტანა
ქალის უფლებების კონვენცია და წამაკითხა.დაიცა ერთი. ქალს პაკისტანში უფლებები არ
აქვსო და სახლში არიან და ოჯახს უვლიანო.... უუფლებო მე ვარ...მთელი სახლის საქმე და
ფინანსები ჩემი გადასაწყვეტია, შენ  მაინც  ხომ  იცი  და თავი მოგვაქვს,უფლებები
გვაქვსთქო....მამაკაცები სრულიად უზრუნველოფენ ოჯახის რჩენასო და მეტი რაღა
უნდათ....რომ დავფიქრდი,მივხვდი ეს ქალთა ემანსიპაცია,  ჩვენი ზარმაცი ქმრების მოგონილია.....

  კონვენციაზე ვამბობდი,ხო წეღან...ამდენი ინლისური არ ვიცი და ვერ წავიკითხავ მეთქი  და არ იცი რა ქნა?
Google  Translates  გამოყენებით გადამითარგმნა  და ისე მომცა....გაკვირვებული დავრჩი მისი
ნებისყოფით და სურვილით,რომ მართლა წამეკითხა. არა ,არა...ტყუილად ვიწუნებდი  მაგათ 
წესებს...ქალები  კიდევაც  მოგზაურობენო...ხოდა მეც ჩემი თავი  გამახსენდა.მე ხომ ,რას ამბობ,
ერთდათავად სამოგზაურო ჩანთა  მაქვს  ჩალაგებული და მოგზაურობის მეტს არაფერს
ვაკეთებ........ მხოლოდ ორჯერ ვიყავი ვიყავი თურქეთში  და ისიც საყიდლებზე
დავდიოდი და  საბნებსა და თეთრეულს ვყიდულობდი...ახლა ნახე....  ქალები და კაცები ერთ
სახლში არ ცხოვრობენო..მაგალითად დედაჩემს და მამაჩემს სხვადასხვა სახლებში ძინავთო...ისე
ეს სხვადასხვა სახლები მეც მომეწონებოდა , ქონებაა ბოლოს და ბოლოს ,ოღონდ  ვერაფრით
ვათქმევინე, ბავშვები მანდ ისევ წეროებს მოყავთ თუ ჩვენებურად,თვითონ წვალობენ    .......
      მეტი რაღა გითხრა....კარგი ადამიანია,ძალიან შევეჩვიე ,საღამოს ცოტა რომ არ „წავიჭორაოთ“
ისე აღარ მიღირს დაძინება.ხოდა ,ჩემი შვილი ამბობს,იმდენს უქებ მაგას
საქართველოს,ერთხელაც ამ ჩვენ სახლის წინ რომ აღმართია,იმას მოადგება
საგორავბორბლებიანი ჩანთითო....
  მოადგება და მოადგეს რა....ვისთვისაც მიმასპინძლია ,ყველამ იცის ,სტუმარს რომ
არ  გავურბივარ და რაღა მაგას დავემალები ???? უბრალოდ ზღვაზე  ნანახით  მაგის გაკვირვება  ვეღარ
წარმომიდგენია.....ამდენი შიშველი და გადარეული  იმთიაზსაც გადარევს და ჩემზეც არ აუცრუვდეს გული.