-- 22 ხაზი
-- კონტაქტი შეწყვეტილია!
-- მე-20?
-- კავშირი შეუძლებელი!
-- მე-19?
-- არქივში ვნახოთ...

*********
//აუუ დარხეულიააა //

-- რა?
-- არაფერი, ხაზები, ხაზები აირია.

//ჭიქა გაბზარულია...ვაშლი მწვანე... თეფში? თეფში გამჭრვალე... ჩაი? ცივია!!!

შშშშ ბზ

-- ისევ კავშირია. უცნაურ ჩართვებს ახორციელებს.
-- მე-19-დან არქივი ვის უნდოდა?
-- იპოვეთ?
-- კი, დიდი გაუგებარი რამეა. მე-18-დან იწყება, ესეც საპოვნია. ხაზები იქიდან მოდის.

შშშშ ბზზ

// მე-18 ამოშალეეეეთ!!! //
//მე-20-ს, 21 რთავს. დროზე მიუსწარიიიი.

გავრბივარ, უკვე ვეღარ ვსუნთქავ. მაინც წინ მივიწევ, არა, არა ვეღარ ვაბიჯებ. ფუფ ვერ დავინახე, ის ავტობუსი საით წავიდა ნეტა. //

//ვაშლი გადაგორდა.//

-- მოიცა რა ვაშლი?
-- რა ვიცი, ისევ ჩართვა მოხდა.
-- კაი, მაგას შევეშვათ, ჩვენი კოსმოსური სხდომა გავაგრძელოთ.
-- დიახ, იმას გეუბნებოდით, რომ რაოდენ სამწუხაროც არ უნდა იყოს, ჩვენს მიერ გაშვებული თანამგზავრი ყოველ 25 საათში ერთხელ მიმართულებას იცვლის და დაუდგენელი პირობვნების ცხოვრებაში ხვდება.
-- არა, რას ამბობთ, ეს სამწუხარო კი არა, გადასარევი რამეა, ჩვენ ადამიანის მკვლეველი მანქანა გამოგვიგონია. მის ტვინში უამრავ რამეს აღმოვაჩენთ

შშშშშ ბზს
// არ მინდა ეეეეე!!! ავტობუსი დააბრუნეთ თორე მე თქვენ გიჩვენებთ მკვლევარებს... ისე ჩემ ტვინში თქვენ თუ რამეს იპოვით საღოოლ
შშშ //

კავშირი გაწყდა.

პ.ს.
სულელო პროფესორებო იცოდეთ თუ არ შემეშვებით გავიღვიძებ //

-- გაიგეთ? ისევ დაუდგენელი პიროვნების ტვინის ერთ-ერთ ნაწილში ჩავერთეთ.  გადავერთეთ.

// სულელებოოოოო. ტვინში კი არა, ჩემ წლოვანებებში დაბოდიალობთ //
პ.ს
ხო მართლა, მე ის ვარ დაუდგენელი პიოვნებაო, თუ რაგაცას, რომ მიწოდებთ.
გავრბივარ, 22-ე ვერ გეწევიიიი. //

-- მგონი ეს პირდაპირი იყო.

// მორჩა სიზმრის პროფესორებო. დამთავრდა თქვენი კოსმოსური სხდომა, მე ვიღვიძებ//

-- რას შვები? 25-ე საათი მალე იქნება და იქნებ რამე შეიცვალოოოს, საინტერესო უნდა იყოს.

//სულელებოო სიზმარი იყო, სიზმარიიი, თქვენ არ არსებობთ. აი, ასე გაგაქრობთ. ეხლა მეჩქარება და ვიღვიძეეეებ//.