******
მოძღვარო! იქნებ შენ მაინც მიხვდე,
შენ მაინც ჩასწვდე ამ სულის კივილს,
შენ მაინც გახსნა ეს დარაბები
და ჩაიხედო ვინ არის შიგნით,
ანგელოზია  ის თუ  დემონი?
შენი ნათქვამი დაფარავს ტკივილს.
მითხარი, რატომ არ არის ქვეყნად
მშვიდობა, ძმობა, სიკეთე, მისით!
               

*****
რთულია ღირსეულად ზიდო ჯვარი!
ძნელია მოუარო ბეღელს!
სადაც სარჩოა იქ არის მღრნელიც,
სადაც მღრნელია იქ არის გველიც.
ვიცი ძნელია გაიგო აზრი,
ვიცი ვერ ხედავ ნიშანს, ქარაგმას,
ნუთუ ბნელია გონება შენი?
ნუთუ ვერ ხვდები სიტყვის ამ თამაშს?


          ***** თავში ავი -ნიავია!

ნუ გაიმეტებ ჩემთვის სიტყვას ავს,
ჩემს გულს ტკივილი არა აკლია,
ქარი წახვეტავს სიტყვებს უაზროს,
ჭეშმარიტება უფლის მადლია.
სიო გარს უვლის ყვავილთა თავებს,
ჩაკოცნა ყველას ირგვლივ წადია,
და თუ მხოლოდ შენ ერთს გინიავებს,
არა სიოსი ნიავთ ბრალია.

*******
ლექსის წერა ადვილია, სიბრძნით არის უფრო ძნელი,
აზრი სიტყვას ჩააქსოვო  და დაიცვა ყველა წესი,
ურთულესი ამოცანის,  კითხვა დასვა, მოკლედ მთელი,
პასუხიც კი ჩააქსოვო, მკითხველს მისცე თავსატეხი.


********
რადგანაც  ღმერთმა- შექმნა კაცი,  სახედ თავისად,
და საქმე მისი პირმეტყველებს, მისსა მაგივრად,
ამიტომ კაცსაც საუბარი შვენის ნაკლებად,
მისამებრ საქმემ ისაუბროს ღირსთა მაგისად.

********