დილა ისევ ამიმღერე, მაფშალია
და სიმღერით დამიღამე დღე დაღლილი,
გულში ისევ ტკივილი და ხანძარია
და ჩააქრე შენი ტკბილი მოძახილით.
დამავიწყე ხმაური და შეშინება,
გამიმხილე გულში ჩუმად ნატარები,
მოგისმენ და ჟრუანტელი დამიყვება,
მოგისმენ და ცრემლის ტალღად ავჯანყდები.
სული ნუღარ დამიგუბე მონატრებით,
გული ნუღარ გამიცივე მოლოდინით,
ვით ბავშვობის მოგონება, მეყვარები,
გამახარე, ამამღერე ყოველ დილით.
                                             
                                                      1995 წ.