ყოველდღე, თითქოს არაფერი მომხდარა,
(არც გულისტკენა... არც სინანული...)
შენს ოთახში შემოდის დილა (შენი არ იყოს)
თვალებჩაცვენილი და ძალიან გამხდარი.
შეუფერებელი კაცისთვის სიარულით,
შეუფერებელი ცხოვრება გახდა რა!
შეუფერებელი ქვეყანა - ხალხისათვის
შეუფერებელი ხალხისთვის - ქვეყანა...
(გრძნობა იმისა რომ: დიდი ხნის მკვდარი ხარ)
ყოველდღე! თითქოს არაფერი მომხდარა...
არც რა ყოფილა საიმისო, რომ მომხდარიყო.
ყოფილიყო ცრემლის ოდენა...
და ყოფილიყო!
ყოფილიყო!
და ყოფილიყო...

თუნდაც ბეღურა, სიცივით რომ წუხელ მომკვდარა,
ან არც ყოფილა, მაგრამ სურდა რომ მომკვდარიყო.