ერთი წვეთი სიცარიელე

  ჩემს    აბსტრაქციას საზღვარი არ აქვს. ჩემი აბსტრაქტული კანონზომიერებები არავის აკვირვებს,რადგან ისინი  საკმაოდ
მყარი  და საფუძვლიანია . ზოგიერთი ციფრი გოგონაა,ზოგი კი ბიჭი.  ციფრი "ორი"  თვალციმციმა გოგონაა,ხოლო ციფრი "ხუთი" მოცეკვავე ბიჭი,როცა ისინი შევაჯვარე, შედეგი...შვიდი მათი შვილია...
რიცხვი "ცხრა" ხომ უამისოდაც,ორსული გოგონაა.
ნული მისი ფორმის გამო  სავსე და  გემოვნებიანი  ქალია,უნაკლო,ლამაზი ,სიმეტრიული და ყველასათვის საჭირო...მისი პოზიცია ყველაზე სწრაფად ადიდებს რიცხვებს,თუმცა თვითონ მარტო სიცარიელეს ნიშნავს,მაგრამ გვერდით მდგომს
საოცრად ავსებს,ამშვენებს,ამრავლებს...
ჩემი  ციფრები ჩემთან ერთად ცხოვრობენ,მავთულზე სარეცხივით ეკიდებიან და ჰარმონიას ქმნიან.ვინც როგორ ხასიათზეა,იმის გვერდით დგება, ჯდება ან წვება.
ციფრები სქესს არ იცვლიან,თუმცა ერთმანეთის სიყვარული შეუძლიათ,ერთმანეთს ემატებიან ,ამრავლებენ
და მერე სულ, სულ ბოლოს,კიდევაც ყოფენ.  გაყოფა  ყველაზე სასიამოვნო პროცესია
    ჩემ აბსტრაქციას საზღვარი არ აქვს...
    მიყვარს და ვიტოვებ ჩემთვის ამ ერთადერთ წვეთ სიცარიელეს....