ხეთაგან კეთილთა, ნაყოფო კეთილო,
სულისა წმინდისა ჭურჭელო ზიარო,
ღვთისმშობლის კურთხევით ჩვენთვის მოვლენილო,
მოხველ და ქართველნი ქრისტეს გვაზიარე.

წარმართთა სიბნელის სინათლით მძლეველო,
მეტოქევ არმაზის, გაცის და გაიმის,
მართლმადიდებლობის აკვნის მარწეველო,
შენს მერე მრავალი დრო-ჟამი გაივლის,

მრავალჯერ გამოსცდის "მირიანს" განგება,
ბევრჯერ წაერთმევა სინათლე თვალისა,
მაგრამ დაცემული ყოველთვის აღდგება,
სანამდე მფარველად ჰყავს ჯვარი ვაზისა!