პარტია-1.

ჩვენ მოვდივართ! გაგვატარეთ!
უნდა ვმართოთ საქართველო.
აშენდება, დამშვენდება,
აყვავდება მთა და მდელო.

გაზის, დენის, საფასურსა
გადაიხდით კაპიკებით,
პენსია და ხელფასები,
გაიზრდება გაგიჟებით.

ხუთმეტ თვეში დაბრუნდება,
ოსეთი  და აფხაზეთი,
მალდივებზე დასვენება,
თქვენ გექნებათ არა ერთი.

პარტია-2.

არა,არა! ეს ჩვენა ვართ,
საქართველოს გადამრჩენნი,
კურსით ვივლით ევროპისკენ
ნატო არის მამაჩვენი.

გაბრწყინდება ივერია,
თავისუფალ დროშის ფერში,
ვეზიაროთ ევრო პროგრესს,
მივემსგავსოთ ყველაფერში.

პარტია-3.

რას მიქარავთ, რომ მიქარავთ
ტყუილია ყველაფერი.
ეს ჩვენა ვართ ბოლო შანსი
ეს ჩვენა ვართ ყველაფერი

გაუმარჯოს გლეხის შრომას
მუშას მივცეთ დანადგარი
გავატყავოთ ბურჟუა და
აღარ გვინდა დოსტაქარი.


***
აბა ეხლა აირჩიეთ,
ყველამ თქვენი სურვილები
რომელია სიმართლე და
რომელია ტყუილები,
როდის იყო პარტიები
ასრულებდნენ დანაპირებს,
ყველას თავის კუჭი ეწვის,
გიყურებენ როგორც ვირებს.


ნუ ენდობით!
უკანონოდ გამოჩეკილ კომავშირლებს...
ნურც მათ ასულთ,
ნურც მათ შვილებს,
ნურც მათ ძეთ და
ნურც მათ  შილებს.


/კახაბერ ჭიჭინაძე/

16.09.2013