მაშ ასე: - ურიგო დღე, აღენიშნა
ცას ზურგზე სილურჯეთა ინტერვალი.
თვალებზე ცრემლებივით იერიში,
უცერემონიო მიტევება...

არვიცი იქნებადა ნაპრალები,
მიწას რომ თითებიდან გასჩენია...
ამბობენ შეიძლება დაბრალება,
ყველაფერს ამბობენ და გავჩერდები.

მაშ ასე: სიმშვიდეა. აეწყობა-
თამაში, აზარტი და სამორინე.
შენ ისევ დადებითად განეწყობი
მეც ასე, როგორღაც და გაორებით...

ხდება რომ ურიგო დღე, სიმპტომებით...
ცას გრილი შუბლი აქვს და ასე შემდეგ...
წასვლისას ღიმილივით მიტოვებდე
იმედებს, დოზირება-დასაშვები...