ახლა ვგავარ ამალგამას, თმა მაქვს ვერხლთან ნადნობი,
მარტო მხოლოდ ამაღამ ვარ, თუ მოგინდეს, გადმოდი!
ვისაუბროთ ყველაფერზე, გულს ავხადოთ სარჩული.
მე თხის რქა ვარ, შენ კი - ვერძი, ვითომ, რატომ გაჩუმდი?
მოგიდუღებ მაგარ ყავას, (ფიქრს ნალექში მივყავარ...)
მართალია, ჯერ არ გყავარ, მაგრამ მაინც გიყვარვარ...
დროში ავცდით ერთმანეთს და ვერ გავიგეთ დროისაც,
არ შემეძლო ეს არ მეთქვა, შენ კი იტყვი - მოიცა!..
ყველაფერი დიდი უფრო კარგად მოჩანს შორიდან,
ის მიამბე,რაც შენ არ გგავს... აირჩიე ორიდან:
ან შერჩები ხსოვნის კიდეს, ან „ჩვენ შორის“ დავრჩებით ...
კიდევ ერთხელ წამიკითხე ყველა გრძნობის სარჩევი...
                      15.11.13