თვალებით შეგაბამ პატარავ იცოდე
შენს ღიმილს გავიხდი ცხოვრების აზარტად
სევდისფერ სახეს მე სითბოთი აგივსებ
ისე, რომ მიხვდები თუ როგორ მიყვარხარ.
დილა და საღამოს ფერებით შეგიმკობ
ვერ იგრძნობ სიცივის ძალას და სიავეს
ჩემს კუთვნილ სამყაროს სულ შენთვის გავიღებ
მოსვლა კი არ მინდა რომ დაგაგვიანდეს.
წვიმაში გადაგღლი მე ჩემი გრძნობებით
სიტყვებსაც მივუჩენ თავიანთ ადგილებს
და მერე მარტის და აპრილის სიგიჟით
მე შენში დავრჩები და ვეღარ გამიშვებ.
იმდენად მინდება, რომ შენზე ვიზრუნო,
შენივე ტკივილი მკლავდეს და მტკიოდეს
დღეს ისე პატარა ბავშვივით მიყვარხარ,
რომელსაც ვერასდროს ვერ უმხელ ბოლომდე
მინდა, რომ სულ ერთხელ მიმიღო მე შენში
თითების გულრწფელი სითბოთი გავსებდე
ჭიქაზე დამსკდარი წყურვილის ჟინივით
მოვიდე მე შენთან და გითხრა : გავბედე.