გაგიკვირდებათ, რა მეასე აუტყდა ამ შუაღამეზეო...

ყოველთვის  ვფიქრობდი, როგორ და რას  გამოვაქვეყნებდი მეასედ.  მინდოდა რომ რაღაც განსაკუთრებული ყოფილიყო, შთამბეჭდავი და საინტერესო ...
  არის კიდევაც ...
მაგრამ არა ისეთი, როგორსაც წარმოვიდგენდი...
როგორ  მიყვარს იუბილეები და  რიცხვები, რომლებსაც აქვს რაღაც დატვირთვა...

საკრალური რიცხვებიც  მიყვარს, ჩემეულ დატვირთვას რომ ვანიჭებ ხოლმე    და საიუბილეო თარიღებიც,  მაგრამ ახლა საიუბილეოდ ვერაფერს დავწერ.


  ყოველთვის  ყველაფერს ვწერდი, რაც მაწუხებდა ანდა მიხაროდა.  ამას მივეჩვიე.  ჩემი ნაფიქრი  ადრე ასე ხმამაღლა  არასდროს გამომიფენია ...ვწერდი, როგორ მიყვარდა, ანდა ვუყვარდი.  როგორ მტკიოდა ანდა მღალატობდნენ...რომ ერთგულება ჩემთვის განსაკუთრებული გრძნობაა  და მასზე  ცრემლებით მე კლავიატურას ხშირად ვასველებდი...
ვწერდი, მაწერინებდა ვირტუალური მეგობრების უანგარო თანადგომა და მხარდაჭერა.

მაგრამ, ის რაც იწყება, კიდევაც მთავრდება.

დროთა განმავლობაში ყველაფერი მთავრდება...  ამიტომ ამ საიტისადმი ჩემი სიყვარული დამთავრდა.


ეგ რა დასაწერიაო?
გაგიკვირდათ?
მე არ გამკვირვებია...
ყველაფერი დაიწყო უსიამოვნებით და დამთავრდა უსიამოვნებით  (ნუ შიგადაშიგ    იყო სასიამოვნო დღეებიც)

ვერ ვეგუები ჩხუბს და უპატივცემულობას საიტის წევრებს შორის ...
მაკვირვებს ყოველი თავდასხმა და უმართებულო  კრიტიკა,  ნამდვილი ვირტუალური ომი.
მაშფოთებს ისეთი კომენტარი, რომელიც პირად შეურაცხყოფაში გადადის...

აღარაფერი მაქვს დასაწერი.
რაზე დავწერო?
შუგარინგით გადატკეცილი გოგოები ფოტოების  ხათრით  ქულებს რომ  იღებენ , თვითონ კი  მწარედ იკბინებიან ,
იმათზე დავწერო აბა?
ბევრი კარგი ავტორი, რჩეული რომ ვერ გახდება, თუ სანაცნობო არ შემოიკრიბა, იმაზე დავწერო?
საიტზე რომ სიყალბეა , იმაზე? 

იმავე მიზეზით, საინტერესო ავტორებს აქ შემოსვლა რომ აღარ უყვართ,  იმაზე?

საიტზე მიღებული წყენა  ქუჩაში რომ ინაცვლებს, ვერც იმას დავწერ.

ჩვენზე და  საქართველოზე  ცუდი აზრი რომ უყალიბდებათ საზღვარგარეთ მცხოვრებ ქართველებს , ვერც იმაზე...

ჩემი უსაყვარლესი  ადამიანი ამ საიტზე რომ გავიცანი,  აბა იმაზე?    (ამაზე უკვე ბევრჯერ დავწერე )

მე დავამთავრე...უკვე ასის ვარ...ახლა თქვენი დრო იყოს.


    მინაწერის მაგიერ:

    100 ჯადოსნური რიცხვია,  იგივე  პირველია , მხოლოდ ორი ნულით :)