(ვისაც მუსიკასთან და მუსიკალურ ინსტრუმენტებთან გაქვთ შეხება შეგიძლიათ ლექსში გამოყენებული ნოტები მოცემული თანმიმდევრობით დაუკრათ)

(ლა, ლა, ფა დიეზ, სოლ, ლა, სი)
ვუსმენ როიალს და (სი, ლა)
დარჩი და ვიყოთ სულ ასე
ზეცას სანამ კვლავ დასცილდა

მზე და გათოვდა მიწაზე.
(დო დიეზ) ისევ მოდი ეს
შენდამი ტრფობა იწამე
ჩემო. (დო დიეზ, დო დიეზ)

(დო დიეზ) სულს მირჩევნიხარ.
ქარი ოცნებებს მიმირევს.
(დო დიეზ) გეტყვი: ჩემი ხარ.
მეტი რა გითხრა?! (მი, მი, რე)

(რე, რე, დო დიეზ, რე, მი, რე)
შენებრ ლამაზი ვინ არის?!
ქარი კი არა შენ მირევ,
თურმე ფიქრების მდინარეს.

(დო დიეზ, სი) და წვიმაში,
(დო დიეზ, სი) და თოვაში,
დგახარ პოეტის წინაშე
და პოეზიით თამაშობ.

(ლა, სი, სი, ლა, ლა) უზადოდ,
(სოლ, ლა, სოლ) მინდა სულ იყო
(ფა დიეზ) ჩემი მუზა და
ჩემი ცხოვრების სულიკო!