მინდა შენით იწყებოდეს დილა,
დაღამებას შენთან ერთად ვგრძნობდე,
დროგასული მოგონების ნაცვლად
შენი სუნთქვით, გულის ცემით ვძგერდე.
მინდა წვიმამ უკაკუნოს რაფებს
ჩვენს სარკმელთან აიწყვიტოს მარტმა,
თმებში ჩაბწვნილ გვირილების ფონზე
გალაკტიონს მიკითხავდე სადღაც.
მინდა სითბო ამ თითების მძაფრი
შენი ხმა და გაგონება მინდა,
ახლოს მყავდე უმანძილო სივრცით,
მთის წყარო, რომ შენი პეშვით შევსვა.
მინდა ღამე გათევინო ფიქრით,
ცხოვრება რომ გიფერადო ჩემით,
ბავშვობაში ნაოცნებარ კოშკებს
საფეხურად მივყვებოდეთ რწმენით.
მინდა გრძნობამ დაგახვიოს თავბრუ,
შენს შეხებას სხვა რამე რომ ერქვას,
პოეზიით გესაუბრო ჩემო
ან უთქმელად ყველაფერი გითხრა.
მინდა შენი სიმარტოვე ვიყო,
შენი გულის მინდა ვიყო რიტმი.
მინდა გერქვას სიცოცხლეზე მეტი
ან უბრალოდ ჩემი თბილი ბიჭი.