ლეგენდის თანახმად, თბილისის ტერიტორია ტყით ყოფილა დაფარული.....მჯერა, მინიმუმ არ მიკვირს.ახლა ტყე არაა მაგრამ არც უკეთესობაა.

..ჰოდა გავიარე, გამოვიარე, კიდევ ერთხელ გადავხედე ქალაქს, წავიკითხე განცხადებები, "ვასწავლი ინგლისურს" "ჩილიმი 10 ლარი" "for rent" ".....ვაყენებ ვინდოუსს..."გვესაჭიროება პროფესიონალი ბუღალტერი, 22 წლამდე, სასურველია კარგი ფუგურა..." "ჰელოუკეტი  და სპაიდერმენი გამოძახებით "....

გავიარე რუსთაველზე, მეტროსთან, სადაც რატომღაც მუდამ დგანან ირანელები თუ ვიღაცა გაურკვეველი ეროვნების და საქმიანობის ადამიანები, სულ სურათებს იღებენ, არა და გასაკვირია, ნიუ-იორკში არიან თუ რა ხდება?...სულ ერთი და იგივე ხალხი, იღებენ და იღებენ სურათებს, რამდენჯერაც გავიარე.

მერე ფილარმონიასთან რომ გაჩერებაა, იქ ვჯდები. ვუსმენ როგორ აჯარიმებენ უბილეთოებს, რამდენი ლეგენდა მოვისმინე თურმე რატომ არ აქვს ბილეთი მგზავრს!!!!.......თბილისის წარმოშობის ლეგენდა არაფერია ამასთან.

შემდეგ თავს ვწევ და ბანერებს ვაკვირდები  სადაც გარკვევით წერია რომ კოკა-კოლა უნდა ვაჩუქოთ ჩვენს საყვარელ ადამიანს, დიახ, რომ მის ორგანიზმში მეტი შხამი ჩავტვირთოთ....ავტობუსებზეც იგივე წარწერებია...

ამ დროს მახსენდება რომ უნდა დამერეკა, ერთი მანქანა მომეწონა განცხადებებში და ამოვიწერე ნომერი...ვრეკავ, მანქანა თურმე ზუგდიდშია....ვეუბნები, უნდა კარგად გავსინჯო, ჩამოხვალ თბილისში?...კი, მეუბნება , მაგრამ არ მომატყუოოო.....ახლა კი გადავირიე, ვეკითხები, რა გვარი ხართ თქვენ?...ღურცკაიაო, მეუბნება...ჰო და ძმაო, მე მეტრეველი ვარ და სად გინახავს მეტრეველმა ღურცკაია მოატყუოს???????? თუ გაყიდვა გინდა მყიდველი ვარ მეთქი !....რაღაც მეგრულად  ჩაიბურდღუნა და.......გათიშა.

....ლეგენდის თანახმად, თბილისის ტერიტორია ტყით ყოფილა დაფარული....დაფარული რა იყო და .....





ს.ნ. 2013.