***
სიჩუმეა დღეს ამ ღამის შიმუნვარი,
იცის უხმოდ ყურისგდება.
დილით მთვარე უცილობლად იუარებს,
მზეს ღამით რომ ურიგდება...
შუაღამეს ბალახიც კი არ შრიალებს,
ერთი პირი წყალსაც სძინავს.
მხოლოდ ღამემ იცის საქმე რაში არის,
სიზმრის მხარეს ნახა ბინა...
შუაღამეს დაეკარგა მკრთალი ლანდი,
გათენებას დააბრალა.
და მას შემდეგ სულ ისეთი ფრთხილი დადის,
როგორც ქმარი ლამაზ ქალთან...
      13.01.14

შავ-თეთრი ზოლი

შავი ზოლი ბილიკს მოჰგავს ასაფრენს,
მერე რა, თუ იწელება ზოგჯერ...
შავზე ვდგავარ და ვისია რა საქმე,
მე შენ გეტყვი, ბედი გვერდში მომდევს...
მალე თეთრიც გამოჩნდება, ვიცი მე!
დარჩებიან მოშურნენი სახტად.
და სახიდან ნაოჭივით ვიცილებ
იმ „ვაი თუ“-ს წინსვლასაც რომ ახლავს.
        12.01.14