მიწამ გაზაფხული უკვე ილოგინა,
ირგლივ სურნელია ახალშობილების.
კარგად გაიზმორა ნაზამთრალ ლოდინმა
და ზედ საყელოსთან შეიხსნა ღილები...
მოდის გაზაფხული მწვანე კორდებიდან,
მოჰყავს სიყვარული უნაზეს ხელკავით.
თეთრად გაიპუდრა ნუშმა ტოტები და
ჩიტები მხიარულ ”ჩიკ-ჩირიკს” ცეკვავენ...
მზემ გამოიხედა ღრუბლების პლისედან,
სხივით მოეფერა ბალახებს, აწვერილს.
მიწა გაზაფხულის სურნელით ივსება,
კვირტების აკვნებს კი ქარები არწევენ...
            17.03.14
***
გამოაყარა გაზაფხულმა ხეებს
კვირტებად,
გაგიკვირდება,
ხეზე ადრე მე ვგაზაფხულობ...
ფიქრი ჯიუტად უბრუნდება
ისევ იმ თემას,
ნუთუ, არ გინდა მომინახულო?..
          18.03.14