დღეს შემოდგომის ბოლო დღე არის,
ხვალ ქარი ფოთლებს აკრიფავს ყველგან,
მერე კი ვერსად დამემალები,
ნაფეხურები მომიყვანს შენთან.
წარსულს წასული ვეღარ დავარქვი,
ხავსი ყველაფერს არ ეკიდება.....
ჩვენგან გათელილ გზებს და ბილიკებს
პირველი თოვლიც მოერიდება.
გაზაფხულს ვეღარ გადავურჩებით
კვლავ მონატრება აიწყვეტს ღილებს,
ჩვენ ძველებურად ისევ შევხვდებით,
ისევ მომიტან ლურჯთვალა იებს,