აქ დავწერ ბარემ: "ლექსების გამოფენა" ათი წლისაა. მხოლოდ ზაზამ იცის, რა ბრძოლის, როგორი ენთუზიაზმის, როგორი ენერგიის ხარჯზე შეუსრულდა ამ კონკურსს ათი წელი და მხოლოდ ღმერთმა იცის, რად დაუჯდა და უჯდება ზაზას ეს კონკურსი, მაგრამ სწორედ იმიტომ, რომ გულის სისხლს დებს საფასურად ამ დიდებულ ლიტერატურულ ზეიმში ზაზა, უფასდება და აჰა, ათი წელიც გასულა.
ჩემთვის "ლექსების გამოფენა" მხოლოდ ლიტერატურული კონკურსი არაა, ეს არის ადამიანთა შორის სიყვარულის, მეგობრობის და ძალიან მყარი, ძალიან ძლიერი ურთიერთობის ჩამოყალიბების პროცესი, დღეები, წამები, როცა ადამიანებს ერთმანეთი მზის ამოსვლასავით უბრალოდ უყვართ...
სულ სხვაა ლიტერატურა, წლითიწლობით იზრდება "ლექსების გამოფენა" და იზრდება ხარიხსობრივად, ანუ ყოველ წელს არაჩვეულებრივი ნაწარმოებებით, ღირებული ლიტერატურით, აზრიანით, ფიქრიანით, გამართულით და ჯანსაღით მდიდრდება ქართული ლიტერატურა!!!
და მიუხედავად პრობლემებისა, მიუხედავად ბოროტი თუ უზნეო ადამიანების მხრიდან კვანტის დადების მცდელობისა, დღესასწაული წელსაც შედგა...
და ძალიან უბრალოდ, ძალიან მარტივად: ყველაფრისათვის მადლობა, ზაზა ფირცხალაიშვილო... და უბრალოდ და ისევ მარტივად: ბრავო, მაესტრო!!!