ვაჰ კაცო...  მამაჩემს,  ხორხე ჰორასიოს და  ჩემს დიდ წინაპარს,  ანჯელოს გეფიცებით,  მოხუცი ქალისთვის წყენა გულში არ გამივლია... უბრალოდ  მზემ ისე დააცხუნა დღეს, ლამის კუჭიც ამიწვა...  ჯიბეში არც ფული,  არც საბანკო კარტა და ბოლო ხურდებით ლეისის ჩიპსი ვიყიდე... უცებ ერთმა -  სურათი გადავიღოთო,  მერე მეორემ, მერე პატარა ბავშვმაც დამიძახა...  ჩემი და,  მარია სოლი,  სულ იმას მიჩიჩინებს:  თავში არ აგივარდეს, ერთი უბრალო სალახანა ხარო  და მეც ვიღიმე და ვიღიმე...  ხოდა მერეღა მივხვდი...  სურათი კი არა და... 
პარკში ერთი ნამცეცი  ლეისი აღარ ეგდო...
მერე ის სათნო მოხუცი დავინახე ლეისით ხელში... მშიოდა და, მე მართლა სალახანამ,  სურათი გადავიღოთ-მეთქი... ვის დაკარგვიხარო...  -  წამოვედი...
ხო, სახლში  რომ დავბრუნდი, რეკლამაც ვნახე... 
მორჩა, დღეს გოლი უნდა გავიტანო...

2 ივნისი, 2014 წ.