ყველა ქალაქს ჰყავს ერთი გიჟი,
ერთი სულელი.
დიახ, სულ მცირე თითო ქალაქს
თითო პოეტი.

და მთელს ქალაქში არ არსებობს
მისი გამგები
მისი მსურველი
კაცი ვინმე...

მხოლოდ დროებით!

და შენ, სიკვდილო,
სიცოცხლეზე რითი ხარ მეტი
განსაჯო კაცის სამუდამო ყოფა და ბედი.

ყველა ქალაქს ჰყავს ერთი გიჟი,
ერთი სულელი
და სიკვდილამდე არა კაცი მისი მსურველი,
არ არის არსად, რაგინდ კარგი იყოს პოეტი,
მაგრამ დროებით,
რა თქმა უნდა,
მხოლოდ დროებით!